今日同阿仔去左孖8玩,我自己又買左對新鼓棍,我當然好開心啦!不過冇老婆仔既日子,當然係又掛住又難過啦!難過在於平日我有得同老婆仔係半夜可以煲下電話粥,不過而家人就係澳門,唉!好鬼悶,日子一天不如一天...

咁今日阿仔12點幾上到黎我屋企,咁我屋企只係得我同我細佬,當然係只係一味down歌,聽歌,真係好鬼悶,幸得有阿仔上到我屋企,我島至冇咁悶,咁係我屋企,多數都係同佢齊齊煲煙,只差在冇飲酒!之後我地就整左d蘿白榚食,我阿媽有時過年都會整蘿白榚,忽然好想食返我阿媽整既蘿白榚,而家食既,只係我阿麻既!

食完野,之後就齊齊出去玩,我細佬都跟埋出黎,我地去既係去打機,係孖8,我如常都係睇阿仔打太鼓同drum mania!基本上,阿仔其實佢對音樂既天份都唔差,如果佢有d時間同耐心,都可以試下樂下樂器,例如好似鼓咁!

之後我地肚仔餓,就去左出面搵野食,行到去東寶個邊,咁我就見到一間叫窩貼大王既食店,入面有好多大包又或者餃子之類既野食,d香味真係令人忍唔住想買返幾個黎食,我地兩兄弟用左10蚊買左5隻窩貼,真係好食到不得了!

冇意中,阿仔個電話響,原來佢話係阿芯打黎問阿仔係邊,我地會合埋阿芯,咁之後都係同佢地一齊去上水中心個度又抽煙,今日見到阿芯,真係成個人唔同哂,除左冇以前咁肥之外,個人就冇以前咁,比我感覺就係大個左好多!不過對比之下,阿仔依舊都係一個好單純既男孩,轉變不多!

其後呢,阿仔有個fd係上水廣場個邊行緊街街,我地又join埋佢,又一齊再落孖8打機,咁今日我第一次打太鼓,平時見人地打得勁我就唔敢埋去打,今日我就同阿芯一齊玩,完來佢都好勁,唉!搞到自己都有d覺得好水皮,可能我要多加訓練啦!

打打下太鼓,我就走左去打灣岸,今日打灣岸個時,阿芯同阿仔係咁向住我噴煙,屌!搞到轉彎大炒左,包大尾!真係比佢地激死!算啦!一場朋友,都唔怪得佢地...

後來就我同細佬加埋阿芯同阿仔加埋佢個fd分開左,因為仔同fd要返屋企lu!咁之後周芯加細佬係上水一d商場行左一陣,基本上都係個句,上水其實都冇咩野行!其後我阿媽打黎,阿媽又話啦!今日唔返屋企煮飯,阿芯又唔想返屋企食,咁巴情況之下,我同阿芯同埋細佬一齊係一間台式小食既食店食左個dinner!平平地係咁上下啦!

三條友傾左一輪計,咁阿芯條仔就打黎,佢條仔就接左佢走啦!就咁樣,呢位好耐冇見既朋友,又一次要同佢講byebye!

今日買左對新鼓棍,一對75蚊,zildjan,仲要型爆既黑色!真係good到不得了!我仲借左比阿仔打dm,哈!