今日同老婆仔,阿嘉,阿魚,何太幾個人一齊去GBD夾band...呢次夾band,可以係話係最好笑既一次!

咁我今日既公事任務係教阿魚打鼓,私事唔洗講當然係陪老婆啦!阿魚呢個教人激氣既學生,唉!真係教到我都火滾,當然我為左老婆仔,梗係幫得就幫啦!咁今日阿魚都算唔錯啦,不過都係個人浮燥lor!太心急,又點會成事呢?平時唔肯練習既佢,唉!好搞唔搞到今日自黎練,唉!今日只係打得個一個鐘,佢咁搞法呢,遲早就知道獻醜既味道...

夾完band,個個人都冇所事事,咁我就帶左佢地上去我屋企玩,其實呢我屋企就真係冇咩野玩,佢地上到黎都係就圍睇,就圍望...阿嘉呢個電腦online game迷,對住部腦都可以話冇game玩,可見一個鍾意打機既女仔,都會對住部腦叫悶...咁我就比左啤牌佢地挫dee,我當然睇實老婆仔,支持佢ga啦!當老婆仔玩緊個時,我都係攬實佢^^,何太個d羨慕既眼神出哂黎,真係有點不好意思!

有時我都覺得老婆仔身邊既朋友都係性格上好小朋友,人雖大,想法卻係好幼稚,或者呢d就係「童心未滅,身體卻長大了」既道理,何太比我既感覺係佢好靜,好少講野,同埋份人又冇咩主見;阿嘉呢類型既女仔呢,好多時都係扮豬食老虎,好鍾意將自己既野收埋,暗地裡將隱藏既實力收埋,為人有好多策略,可能同打online game有關;魚就係標準型火爆妹,有少少野不滿,又或者人地串親佢,佢個把嘴就可以開行MG42咁,亂槍而射!當然會令其他人都會有不滿既時候,成為左眾人既共同敵人!老婆仔係佢地呢一群入面,算係活潑積極型,雖然係最細,但最有主見,行事都算係實際,大笑姑婆既性格係佢既最大賣點!

我細佬今日就同弟婦出左旺角行街,仲佩左個con!兩個人,去街街都幾浪漫ar!