今日同樂行之友一齊行山,咁又行蚺蛇尖,都係個句,蚺蛇尖出名斜,行上山攞命,落山就嚇親人,當然我呢d程度,照顧d會員多過去自己驚!仲有呢今日係我同我細佬第三次攻頂,基本對山型同個上既技巧基本上山技巧,其實已經係非常清楚!

三次上蚺蛇尖,三次都有不同效果,第一就跟樂行,咁個時我好記得係我生日,而且係陽光普照!第二係跟教會,我就係以夜行方式登山,而且係睇2007既日出,今次就好特別,今日係雨天加大霧!雨天既山面通常都係比較濕滑,幸好今日既情況就係多數都係過雲雨,令個地面都係可以接受,行個時都冇咩事...

上山個時,由北潭凹入,d會員都仲以為蚺蛇尖冇咩野,當佢地見到呢個山之後即場啞口無言,咁又係既,d會員未試過行咁過既山,相信對佢地都係一個幾大既挑戰性,今日holinks病未能如常登頂,只可以做到半山,不過佢都好叻仔ga啦!行到有一大半,算係有返個交代啦!阿嫂今日同steven兩個行上山個時,兩個都夾得唔錯啦!不過阿嫂就要努力返少少去練下體能,的確我見到佢今日上得都幾吃力,唔緊要啦!肯跑下步,多多做運動,咁就一定行到飛咁!

係山上面,我就覺得愈來愈大霧,能見度好低,基本上成日都睇到既野好少,上到頂,我見到有好多昆蟲係到飛下飛下,原來係因為氣壓低既關係,d蟲係地面感到好熱,咁咪要飛來飛去,咁咪冇咁熱lor!係山頂,老婆仔青蛙打左比我^^,咁佢話比我聽佢媽知道左我同佢d野,仲話如果有機會,想見見我,咁我就覺得見面其實唔係一個大問題,係人地屋企人面前,比人地睇到好既一面,d傻仔野收返埋既,基本上都冇咩問題,冷靜處理,其實係唔會有咩大問題...

係山頂食左唔少野,都幾開心,最後我仲見到有一位會員好主動咁為大家抬垃圾走,我都幾開心啦!因我覺得大家冇分職權,不分崗位,樂意為大家去分擔...當然我就見佢咁有熱誠,身為長老既我,我當然為佢處理返d垃圾啦...

今日出現左三類人,一就係我同steven呢d長老級人馬啦!其次就係我細佬同臭軒既現役級既幹事,仲有一d好似阿jack呢類既熱誠又玩得既人士,當然仲有一大堆菜鳥係到傻仔啦!我覺得樂行好有家族感!