係上星期五,呢一日的確係令我覺得人生最浪費既一日,我好記得老婆bb啦,阿jack同洪仔一齊係廣華neway唱k,基本上個日係k唱k變成洪仔同jack挑gundum既勝地,簡直係吹佢地唔脹!

我同老婆仔係k房都係攬住啦!鬼咩k房set極個冷氣都係好似凍肉鋪咁可怕,攬住老婆,既可以浪漫d,恨死jack同洪仔之餘,仲可以令我老婆仔冇咁凍^^係個日,jack唱左好多李克勤同側田既歌,講真jack唱得都幾似李克勤,可能聲底好啦!不過jack唱歌的天份就真係有,而且唔錯!

唱k就唱完啦!之後走左廣華,我地就一齊行槍街,睇槍槍!本來我都會怕會悶親老婆仔,但老婆仔冇介意,仲陪埋我去睇槍買槍,咁我就買左枝mp5 a4,點解我會買mp5呢,的確我就鍾意佢細細枝,好易揸之餘,仲要打咩場地都好好用,例如室內場cqb,又或者woodland既,都係冇問題!之後steve同alex都到左,steven就大手筆d,佢就買左枝g36c,額外地佢就買埋枝電筒同紅點鏡...

本來我都想帶老婆行埋潮特,睇下d westwood又或者d「三片葉」,不過時間真係唔早啦!老婆要去學琴琴,咁冇辦法啦!雖然我都想同我既朋友去周圍行行,但有d咩比老婆仔更加緊要,我最後選擇左同老婆一齊搭車走...

係火車上面,我地企埋一齊好近,係呢個時候,我就可以有多d機會望多d老婆啦!的而且確,老婆仔係一個大眼妹,從眼裡比我既感覺係佢有好多野想講,一對會說話的眼睛,每次看一看,都覺得好神奇!

第一次同老婆仔出街,我真係好開心ar!我想去多d!>3<鍚哂老婆仔...