今日,4月7號,同老婆仔一齊已經3個月了,我好開心呀!不過老婆仔大陸去緊旅行,真係好可惜我地錯過了呢一日!唔緊要,呢個世界有後補既!

咁我今日同埋一堆親戚去左和合石掃墓,唉!我阿媽依舊係買左好多好多既元寶蠟燭,其實我就諗:「燒咁多野,又大煙,又浪費,唉!比錢做呢d野都唔知為咩...」作為基督既一份子,當然唔想屋企人再係咁買埋一堆呢d好無謂既,最好笑既就係要自己抬個傻...我就真係冇佢咁傻啦!

表姐今日同我一日睇左好多聖經同唱詩歌,有時我覺得教會既詩歌唔係唔好,而係我覺得個d詩歌係露字上做得唔係咁好,唱起個時真係覺得唔係咁好唱

我地途經浩園,浩園係電視睇好似好大,其實個園一d都唔大!咁又點叫浩大既園地呢!或者佢日後都係會擴大,但係香港又有幾多英雄呢?浩園...慢慢用都未必用得哂!咁係浩園入面,講真係個園入面個d真係好少烈士係入面葬,曾國恆個位依舊未有碑,梁成恩個碑都幾大,可能係英雄啦!政府貼錢比佢葬整大d又有咩所謂...

人必須經歷生死,當然自己要睇得開啦!因為自己既工作會係有危險,始終係行山,有失蹤、受到動物或者行劫者既攻擊、甚至跌死既危險,我都會怕老婆仔擔心,不過我會自己更加小心,我唔會棄下老婆仔一個!老婆仔對我咁好,佢又肯同我行山既,雖然係簡簡單單既蝴蝶山,但我會更加努力,將來我會去考返個山藝牌,咁到時就安全好多啦!

3個月,有起有跌,經歷左好多野,但我同老婆仔一齊好開心!我冇後悔,我會對大家保證,我唔會再一次離開佢,我會好好珍惜!