今日基本上都係天陰,有幾陣雨!暗淡冇光既天氣,的確比人一種好沉悶既氣氛!

老婆仔今日本來今朝要好早起身去學琴,搞笑地尋晚我問佢要唔要我呢個「人肉鬧鐘」呢個服務,佢又話唔洗,哈!今朝就出事啦!佢遲左起身,搞到遲左去琴行...女仔肯定要set 好個look先至敢出街,呢個係人之常情!變左遲上加遲!

咁我就一路都係屋企溫下電腦,又溫下中文,溫到個人都好悶,到左就快4點個時,老婆仔打比我,問我點解未出黎,原來我地係聽電話個時我有少少聽錯左,我以為老婆仔講4點幾,原來係4點前...老婆仔,真係唔好意思!!!

之後,我就立即換條褲,著返對鞋,就飛撲出去攞野!我真係好幸運我係經過長跑訓練,我用左約5分鐘,由屋企跑左出去,去左上水中心樓下接應老婆仔,岩岩好趕得切!^^仲見到老婆仔戴眼鏡個look!戴左眼鏡都幾得意

咁老婆仔好快就要去琴行,我係上水中心要休息下,因為跑得太快,上氣唔接下氣!不過呢都係值得,我都覺得幾開心!順便當練速度...

返屋企個時有少少雨點,我費事d野濕,將d野濕zip落去件t-shirt入面,呢一份既心思,可能會令人覺得怪怪地咁,但我覺得保護一樣老婆仔既野,就好似保護老婆仔一樣,要體貼,加多多溫柔,正如煲湯一樣,用文火,調味料要少少,湯料又唔好太多,咁就perfect啦!

而家覺得老婆仔愈來愈似宮崎峻動畫既「龍貓」入面既人物->次子,又係圓碌碌好得意!