尋日係屋企一直都係好空閒，咁我都係溫下書啦!因為明天就已經係主科中文既會考，中文一向我都係麻麻，溫多d，咪識多d lor!
frances就約左我，佢就話約我去睇"十分愛"，我其實向來對港產片都係興趣不大，咁我自己今次其實主要出黎就係想報答返frances一直以來，佢對我一直既鼓勵，佢係我感情上失意時，佢一直都有關心我既問題啦!可以話係我既大恩人，我唔知點講好啦!佢比我既支持，我無以為報，只可以講既係:多謝哂!非常感激!
佢約左我係屯門既新墟，新墟據我所記得，我好細個，大約兩三歲既時候去過，不過事隔15年，我仲邊記得咁多呢?所以我係出發前，我都係睇哂地圖，check哂就搭既交通路線，當然最快既都係44A小巴啦!
我搭小巴既時候，小巴開到100km/h，真係覺得好鬼死過隱，從窗邊可以好清楚聽到車好快咁經過的風聲，呼呼聲!回想起那次另一位網友阿紫羚約我，最後佢玩我既時候，我好唔開心既情況，13蚊既代價令我覺得好深刻，今次其實我同樣都係好驚，我唔知道frances係唔係又係玩我一鑊，不過我知道佢唔係紫羚，佢係一個好nice既恩人。
我到左凱都戲院，咁我打比佢，佢就成日都話就到，不過遲遲都未到，我等左佢成個鐘，完來佢要處理一d交通上既問題!我開頭都有少少嬲嬲地，等左成個鐘都係咁...好好彩有一位小學既同學，佢就打比我，佢就話佢個部notebook傻傻地，我就約佢係戲院隔離既吉野家開始我既工作，其實佢部機係冇咩問題，只係file太多，有d不勝負苛，刪除一d冇用的檔案，咁咪冇事lor!呢位同學曾經係同過我一班，又係住上水，不過後來佢搬左去屯門，哈!10多年冇見面，佢成個人唔同哂!
終於主角阿frances出現左，佢就同佢條仔阿銓一齊，咁我地一齊買戲飛，凱都睇戲真係好平，40蚊有交易，講真個句，去UA，百老匯，真係貴好多!
屯門比我一個感覺就係冇咩野玩，機鋪又好少，最巴閉都係neway，同埋唔少既戲院，戲院唔細!
"十分愛"我覺得幾好啦!打破左一般港產片既沉悶橋段，stepy係戲中個look真係幾靚女，鍾嘉欣依然都係包包面，嘛嘛地啦!伏線就做得幾好，幾有香港人既味道，當然呢套戲難登大雅，依然都係同歐美電戲有好大既距離。
最後都係個句啦!尋日玩得算係幾開心啦!亦都好高興阿銓!
|
