考英文呢一科真係嚇到傻，又趕又攞命!

咁我星期五就要考左英文1A，咁出門之前都check過自己有冇帶齊野，唯獨自己帶少左把傘，第一次落到樓下，見有幾粒血，咁打算攞返把傘再行， 一搭笠上去個時，死笠!我當然困左係入面啦!真係嚇到媽都唔認得!

咁係笠入面我就按左警鐘，保安員就同我對話，佢就call緊OTS呢間笠維修既公司，話就話10分鐘，點知10分鐘都未黎，唉!咁係呢個咁危急既關頭，梗係要call消防黎爆笠啦!我得返30分鐘，之後我就等疽幾分鐘，消防員爆開個笠門，我當然拿拿聲衝出去啦!趕住去考場嘛!當我到左樓下，OTS仲未到，簡直離哂大譜，等得佢黎真係仆街啦!又話十分鐘到，等得你黎都遲哂大到!

我由後樓梯出黎，直至我離開大廈，咁保安員好體會我是一個會考既人，仲幫我call埋的士，我就可以拿拿聲坐車去到陳朱素華呢個考場。到左考場，梗係搵自己既場係邊，原來我係考大場禮堂!坐底左見到alex，唔理咁多考左先算!

英文考完1A，打埋下半場1B 作文，講真今年1A做得挺吃力，我無法子完全完全完成，只係盡力完成左9成，唉!

1B都唔錯，都總算係人做的!

星期六即係尋日啦!做listening，又係要聽住收音機既港台二台做人，好彩係一個惡劣既天氣環境，都係聽得好清楚。不過份卷真係做死人lor!到last個part寫文章，嘩!真係一做完就夠鐘，趕到仆街!

英文果然係會考之中最變態既一科。