尋日5月13日，亦即係我細佬生日，我同佢成班fd一齊去海洋公園玩，咁有我、細佬、阿妹、馬忠成、阿細，同埋蔡倫，今次第一次見，咁都覺得佢幾nice啦!

生日既細佬，佢去海洋公園有得用免費入場，當然其餘既人都係185蚊。我中三個年同3c個堆人玩，個時夏天7月幾好熱，今年未到7月，但已經熱到已經好似暑假咁!真係好得人驚!

我地一入到海洋公園門口，我係覺得個公園已經唔係一個香港人既地方，好似國內既歡樂谷咁，一團又一團既國內旅行團，最得意都係個d日本團，d日本人係好有紀律，排隊排得好好，相反我地既同胞，真係懶理導遊，一邊抽煙，一邊吹水，一d仲係到放痰，似乎我國既同胞真係有d點可怕，希望2008年奧運，呢d景象唔會出現啦!

我地由正門個邊入，我見到阿妹已經成頸汗，原來一個大汗妹，d汗係會勁到好似一罐可樂剛從一個雪櫃抽出來咁!

首先，我地成班人都係坐cable car過去有機動遊戲個邊先，原來阿妹同阿細好驚高，哈!呢d咁既高度，我行山都唔知面對過幾多呢d高度。我同細佬係咁影相，點都好啦!我同細佬真係黎海洋公園尋兒時回憶，我仲好記得，我細佬好細個時座cable car係好開心。

之後到左機動遊戲個part，第一時間玩海盜船，阿細呢個傻婆真係傻到七彩，明知自己唔敢玩，又要充大膽，一上到去玩，縮埋一堆，我仲好記得我大圍青龍呢間已經結業既遊樂場，個時我同我老豆玩，我仲好記得我個時好細個，咁我上到去，玩到我驚，係到叫:「幾時可以停船ar!」

後來，我地一齊再玩跳樓機，跳樓機其實真係好廢，一味得個跌字，冇咩野好可怕，除非你比rollar coaster百幾米個d我玩啦!

玩完跳樓，再玩個轉轉!呢個轉我覺得好暈，佢個d G力唔大唔少，好難去適應!阿妹仲話好暈，有少少企唔直!

人總會尋求刺激，有樂園就有過山車，過山車有360度有三個，上G力真係好勁，雖然我有玩過，但都同樣地非常enjoy，同細佬一齊大叫，食風個下都食得好爽!我一直都有諗，如果係過出車上面食野，仲要飲埋野，睇下d食物會點!

之後，我又有玩越礦飛車、太空摩天輪...好正!不過玩到好wing...

阿妹幫我地起左個花名，我比人叫做可愛豬，細佬比佢叫做奀枝枝大馬騮b，阿妹我地改左佢做阿蕉妹!

玩到咁上下，去兒童王國座火車仔，我細佬同阿妹就一架火車，我自己就一個單挑，我一個人自己座，咁大個庭係個小火車都幾滑稽...有點無奈。

去完海洋公園，同阿妹係火車上面講左一大輪臘筆小新，又咩百變小櫻!總之好鬼好笑!

之後同我細佬阿媽去慶祝母親節，我同細佬買左枝花比阿媽，食左個扒!

**************************************************************************

今日，有一個好遺憾既消息，我同青蛙一齊左5個月散左，大家唔好誤會我唔係為左一個阿熒而分手，而係我覺得我同青蛙一齊，我唔開心，我同佢一路拍就一路喊，今日我喊夠啦!我再係咁落去會抑鬱至死，大家唔好太擔心我，我真係冇事，我仲係一個挨得住既人，我知道有人反對我同青蛙既分開，希望反對既人明白我既苦處，我唔想再係咁唔開心，我唔想比大家見到我每一日以淚洗面，我唔想比大家麻煩要去聽我既哭訴，你可以罵我花心，但你地明唔明白我傷心?我唔開心，我日日煙仔當食飯，我食唔落野，你地又明唔明?我唔開心到差d想死，你又知唔知?

我傷心，我知你地關心我，我去搵第二個，點解你地會不太贊成我繼續同佢一齊?有人可以一take過，一劑搞掂找到真愛，但係呢種福氣，唔係個個人都有，我冇咁既福氣，我要行得更多，先至會知道自己既真愛係邊!呢個世界，我知道有真愛，我相信阿熒，希望大家比機會我去愛，我知道阿熒比左好多心機，係我唔開心既時候，青蛙仲要繼續令我好唔開心，係阿熒救左我!係佢帶我由唔開心去到開心，係佢令我重新企返起身，否則大家今日見到我可能已經係墳場!

阿熒係我既救命恩人，佢好鍚我，我同佢一齊，我會開心!放心!我係呢到同大家保證，我會比心機去同佢一齊，我今次拍拖，我會對住大家講:「今天，我同阿熒活得快樂，感覺良好!」

多謝steven、jack、細佬阿B、msn中既葉偉豪哥哥、油大哥、suki、嘉怡、阿叶等(未有列出名既唔好太介意啦)，係當中比左好多意見，提醒左我既，做左我盞「燈」，帶我走過傷心。

青蛙...對不起!你傷得我太多，回望你，爭吵過太多，我們完了，you are fire!不過我們還是好朋友!