從來海灘都比人一個浪漫的感覺，由其係夜晚，浪漫感覺會更力好!我好鍾意看海，望住個海，我會覺得好舒服!尋日我找到一個快樂的時光，亦都比我一個好難忘的一日，我好開心!我首先下午時間去搵左一輪工，之後我就去搵阿熒!

阿熒佢要學木結他，咁我就比較早過左去屯門，咁我一落車，望一望隻手錶，嘩!早成咁，不如去陪老婆一齊去行陣先啦!我係佢屋企樓下打比佢，佢就好快咁pack好哂學結他既筆記同埋枝結他!咁佢好快落左黎，戴左一頂黑色cap帽，一件黑色tee，一條短裙仔，個look都有少少似謝安琪。咁我自己尋日都係著全黑，主要都係襯返佢，我覺得咁樣都唔錯，第時整返件情侶tee，都唔錯!

佢間琴行係啟豐商場，同佢屋企距離好近，咁我見佢都係咩住咁大枝結他，咁我當然會幫佢攞下啦!佢個枝係中size既結他，所以比較細枝。呢隻大頭蝦老婆呢，佢唔記得帶片結他pic，好彩我成日都有帶住片pic就圍去，我作為佢老公，我當然會借埋比佢用黎上堂啦!老婆學結他比我耐，佢已經玩左接近3個月，我同細佬都係5堂...

我係等老婆學野之際，阿仔打比我，佢係到問我賣書d野，唉!其實買咩ar?間間搵笨間間都呃人，放去邊到，其實都係差不多，只係睇你好唔好彩!

半個小時之後，我再去琴行接老婆，之後我同佢行左過去海邊，即係蝴蝶灣個邊既公園，同老婆一齊傾左輪計，玩左一輪結他，仲睇到一班師奶係到打太極，屯門呢邊d師奶始終唔係同聯和墟一樣咁勁，又唔齊又唔夠勁度。係呢個海岸公園，一齊吹吹海風，傾一下大家開心同埋唔開心既事，我覺得我足之找到一個能夠聽到我講野既人!

坐得多，總想到處走走，一路同老婆行緊海邊，沿途傾住計，好舒服，咁岩又見到老婆識既人，如果換轉係以前既女友，肯定左閃右避，但係老婆只會默默咁行過，無架子!掂曬!

係蝴蝶灣既沙灘上面，我同老婆一齊進行沙灘漫步既呢個動作，原來唔除鞋既沙灘漫步，係好辛苦既，因為d沙係咁入哂落隻鞋入面，好勾隻腳，咁我就好好彩放平隻腳，我就完全唔入沙!去到一個救生員既站崗台，我就同老婆係個台底坐底左，一路睇住日落，一落好享受大家一齊既日子，當然!有d更親密既行為啦!

係沙灘玩完沙，入到去蝴蝶灣公園，我地一齊行，無意中阿熒既媽媽打比我，佢話想同我地一齊食，咁老婆反對，點解老婆反對呢?因為佢媽媽比較惡死，老婆唔想我見到伯母個時，伯母係到問長問短!其實我就冇咩所謂既，不過我尊重老婆既決定，我地最後都係應約!係同伯母傾緊之際，突然落左一場大雨，我拖住老婆，抱起結他，一齊衝入去美樂街市!見到兩個人互相都係濕淋淋既樣，都覺幾好笑，呢d機會一生人都覺得好難得!

雨細左，我地繼續由美樂街市出返去，我同老婆去左啟豐商場一間日本食店去食野，咁夜晚我第二次同老婆去食，我好開心!

食完野，我同老婆去左蝴蝶邨既公園玩左一陣韆鞦，我好鍾意呢個公園!呢個公園比左好多童年回憶，好似我以前住既彩蒲園。同老婆一齊去玩，我會唔想走!因為我唔捨得咁快走。

真正既高潮黎啦!我同老婆係一個垃圾站見到一隻小強，我地兩個都好不由自主咁樣去玩隻小強，我先踩小強一下，之後我放底下結他，我心想如果放張紙巾面，同佢玩「慾心焚身」，相信會更好玩，點知係我冇講野既情況之下，老婆已經好smart咁攞紙巾出黎，我好驚訝!呢個真係心有靈犀...可惜天公就不做美!紙巾點著左，但係吹走左!之後我用枝煙仔燒佢，佢不斷係到掙扎，好爽!但係咁都命大唔死，之後覺得咁玩好浪費時間，不如秒殺，一腳踩死佢。

最後，我同佢盡興完一日，始終都有分開既時候，大家都好唔捨得，最後我登上小巴，回望佢，帶著依依不捨。