係一個星期前，我四出搵工作，本來都係打算無咩回音，失望都係屋企呆下，點知係今日既朝早我除左聽到老婆打比我既電話，隨後又再聽到一個不知名既電話，原來係鴻利茶餐廳既來電，老闆娘叫我過黎開工，咁我當然好開心啦!難得有份工，我都好樂意去做啦!至少我可以解決錢銀不足的問題。

我由屋企跑出黎，唔洗5分鐘，就已經到左鴻利，鴻利呢間野都幾有名堂，都可以話係巴士司機、的士佬、上班人士既食野之地，更傳勝和的白頭仔同佢老婆有時都會係到食野，呢d野都唔係最重要，最緊要係返工返得開心!

飲食行業其實我係未做過，起初返工我都有少少壓力，例如我唔知點去d地方，不過經過一班同工既指導小弟呢，咁總算今日有一個好開始。鴻利既生意，主要都係一d大型商場既寫字樓，我覺得送外賣雖然係辛苦，但係總好過返學，返學我冇錢，但返工至少我可以有錢滿足到我既生活。

我認為今日最難既外賣，係劍橋貨倉，呢個貨倉分分鐘住上水10幾年既人都未必識，我住左18年，都唔知有個咁既貨倉。我由鴻利踩單車去，經過投注站，再經過巴士廠，再踩15分鐘，先至到!我真係完全唔知點去，幸得老闆娘提示，否則我真係唔識去...

最搞笑既係送一次既外賣去一個唐樓既單位，一打開門，頂!估唔到係一個北姑雞...仲對住我笑淫淫，頂!你係比23蚊就23蚊!笑佢條命咩!

今日真做得好累...都係唔打住lu