我今日係返6日工，放左一日假之後再返工既日子，今日天氣真係難頂到飛起啦!又晴又雨，好彩今日係著左件背心加左條war game褲，真係好好彩岩哂呢種天氣!

咁我如常早上做返外賣加少少樓面既工作，咁有一轉我要送上上水廣場寫字樓，一間叫molex既工司，頂!我找錢找少左一蚊!仆街佢個街，佢打去我公司port尻我，好彩收銀阿珊佢就好體諒我，咁人一時會有錯都唔出奇，而且仲暗地裡罵個間野!哈!咁又係既1蚊都係要嘈生哂，真係好白癡。

最激都係今日，今日真係好金，要去4次長途，4次都係「劍A」，長途真係好辛苦，有一次仲要比個貨車大佬揸得唔好，比佢一轉彎，我同佢互閃避，佢大車就收到制，我單車就慘d，撞柱!好彩帶既既外賣只係出現反側，有漏湯情況，咁我只好倒左d 湯!如果唔係，膠袋成袋湯!出唔到街...

今日足之知道邊個係「蛇王之王」，原來係我既外賣partner阿耀，居然係工作時間去左競技打機，我送外賣送到超累，佢仲係機鋪玩drum mania，咁我係放工個時，頂唔順要篤爆佢d懶野，事實上佢實在太離譜，我做到隻狗，佢就玩到嘔...佢一返到黎，即時比人罵，始終我覺得我既最佳拍擋係阿寶，阿寶佢就真係超勁，好短時間可以做到1200既外賣數!

我諗阿耀將會好短時間之內會比人fire!因為佢既「蛇王」史實在太多，我暫時工作成績係唔錯啦!十三姨都幾看重我既，佢居然相信一個新人，比個新人搞貨倉既貨，比著我開店就真係唔敢，事關比人整到好亂個時就大鑊啦!同埋貨倉係會好多好多新手都唔識處理既野，例如好易攞錯野!我都試過好多次攞錯左野，例如醋，我攞左浙醋，其實廚頭係要白醋，真係好瘀...