近日都係努力工作，努力係鴻利做到隻狗咁，人工雞碎咁多，Irean呢類點人點到你傻既老闆娘，我都唔知點回應佢好，總之鴻利係上水真係出哂名，做野做到隻狗，做外賣踩單車踩到你嘔，仲要人工少到七彩，日日有成千蚊外賣，人工都係18蚊一個鐘，而且內裡既人，好似Irean同收銀阿珊，兩條友都係仆街黎既，慢少少又比人吹住返黎，唉!大姐呀!全上水最出名既「少爺笠」或者「白癡笠」都係哂上水廣場，係又一個電話叫哂救命，又或者係到嘈生哂，癡線ga!

有時我真係做到發火，索性係上水廣場又或者係某某地方坐底抽根煙仔，講真9個鐘係到瘋狂地踩單車，機械人都死機啦!收銀阿珊簡直係白癡妹，寫外賣單，頂佢個肺明明人地需要100蚊大紙找，佢就寫都唔寫!咁公司係我開工時唔會交筆錢比我去找錢,而係隨收數，隨找錢...最衰有一次，我要送去一個44小巴線一位司機大姐，呢隻白癡珊佢就齋叫我出去，佢又唔report個位置或者該司機大姐個車牌，搞到我送野送左極耐，果次我仲好記得我火爆到一返到鋪頭，我就即罵佢，當時午時大把人係到食野，我梗係要令佢大出洋相啦!呢個世界就係咁，零可做一日獅子，莫做一百日羊，成世比人咁壓住，冇人會甘心架!

老闆呢條友呢我都唔係幾睇得佢順眼，我送外賣，送米線有漏湯問題，佢就黑哂面，鬼唔知米線不嬲都係難搞ga啦!好搞唔搞學人搞米線，砍得出條路又點?點搞都唔夠牛什檔拼，講真潮明園大檔黎既，開到差不多全港都有分店，人地搞米線掂好多啦!當初第一日返工，我都覺得老闆搞d什麼雲南米線真係滑稽到不得了，茶餐廳一向係以飯為主力，米粉河之類為次，老闆就學人搞啅頭，搵米線開路，好聽d就會講:「老闆，你d牛什對手咁強，你唔怕比佢地打到七彩咩?」難聽d:「收撚皮啦!人地龍豐泰豐牛什呢d鋪仔都打到燉奶佬呢d大檔收皮，你間野同佢拼命，下一間收皮就係你啦!傻仔」

的而且確，龍豐泰豐牛什呢間細野，係厲害到張一間龍豐巷仔有10多年歷史既燉奶佬打到殘廢，全因為一碗二碗既牛什...潮明園又係食牛什出名，翻台數次大約為20分鐘一次，速度都極為可怕，而且全港有多達20間分店，可謂強者之中既強者!潮明園係好似白蟻咁，唔會令附近既食店冇得做，只會係好似癌細胞咁，不斷擴散!呢招奇就奇在附近既鋪頭好少會收皮，當然亦有打殘對手的時候。

而家有d心動想去新財街同個水電老闆打工，當然呢邊好好多啦!唔洗太多日曬雨淋，工作簡單...想轉胎ar!