今日5點加時之下收左工，感覺都幾累啦!不過為左錢，都係要挺直腰而束緊肚皮努力做工...

必瘦站的八婆依然都係串嘴到不得了，或者佢地把嘴未比人掌過啦!太多嘴了!或者呢d就係未感受過黑幫中的生活啦!講錯野既後果，多數都係會比大佬叫一個打手，大大力咁當你係一個沙包，呢d人算唔算叫做欠打呢?

係工作上有點不如意啦!今日有一單係馬會道3號，如果大家對上水有少少認識，相信都知馬會道係長到不得了，而且街號好亂，都唔知邊個打邊到，有時我都好佩服香港郵差同速遞員，3號我搵極都搵唔到，鳳溪係15號，前少少漁護署有個基地係13號，按道理應該係好快到，點知搵極都冇，去再遠少少有d湯車場，佢地居然答50幾號既馬會道，我就心諗:「50幾號?彩虹甜品屋個邊d車房黎ga wo?」最可笑既係，阿珊(即係白癡收銀妹)佢就report比我聽，個外賣cancel左!我就覺得有點無奈....返到鋪頭，個個都白癡既，居然話係油站個邊，白癡...

我返到屋企，我收到學校寄黎既信，都係不外乎一大堆甚畢業禮既回條，佢d時間真係同係返工上有d撞既，不過點都係出席ga啦!不過好低能，學校就搞埋一大堆既採排，採咩排ar?不如我去搵多幾個鐘錢好過...但唔去又唔得，唉!