老闆為人就真係cool到爆，太后(即係老闆既媽媽)就好鬼nice，老闆娘都幾好人!做野總算係親力親為!係咁多人之中，仲有太子仔同太子女未有機會相處共事...

今日阿珊唔知點解冇返工，咁都好既，平日佢好多嘴之餘，仲成日係個水吧個到走出走入，食得蕃茄又唔記得接公司既電話，頂!同佢一齊拍檔都係一個災難...咁阿珊冇返工，邊個返呢?Irean?小梅?十三姨?完來全部都唔係，居然收銀由太子女揸旗!太子女，我諗佢大我少少啦!應該都有19歲，因為佢細佬太子仔阿dee，都係細我一兩年到!

身為太子女既身份，平日佢都有落場食下野，都算係幾支持佢老豆既生意啦!的確鴻利既野食都唔差，不過有時d野就差d，好似今日咁，我既同事聰聰食左個炆米，屌!難食到即刻掉，都唔知點解咁難食!四眼仔師父發火，食左兩啖，全部掉哂，即刻同廚房講以後唔好再出個d炆米...

咁太子女基本上由細係鋪頭長大，對收銀都可以話係幾熟手，咁都好d，我幾驚佢係個d咩都唔識既，收銀收到錯哂之餘仲要d客排哂隊先至收到數...

其實我都想太子仔係可以變成自己其中一位同事，太子仔都幾乖，都有趁客多時幫下手包外賣，講真有時外賣會一多起上黎，請10個高手，好似友姐咁都唔知包唔包得哂!希望一日佢可以同佢家姐一樣，親身上陣啦!