好記得6年前既我，仲係做緊「靚」既日子，我仲係一個禮記中一，個陣時係1E班，成班都係傻傻下咁!經過一年又一年，大家經過唔同既經歷，大家長大左，改變左...

不過，唔同左就唔代表冇感情，始終大家冇忘記當年情，尋日大家足之由阿米同宇明既帶領之下，大家可以走返埋一齊!

我尋日都係返工，都係朝早8點開始開工，我一路返工，一路想快d放工，始終我係好想快d見返d平時好少見到既舊同學!尋日都幾辛苦啦!天氣好熱，又多野做，我被公司既Irean叫我收遲d，因為公司既生意太多，需要人手去處理，咁我就好慘咁係公司頂多個鐘，一頂就頂到5點先至收手...

埋數、打卡、處理錢銀問題...好麻煩又急促咁放工，之後我行左過去上水廣場個邊，問去黃金海岸既車路，經過一輪既考慮，最方便居然係小巴，小巴44號去到大會堂站，再係個到等43號既小巴(去稔灣)，總數我搭車由上水去屯門市中心用左13蚊，由屯門市中心去黃金海岸都係6.5蚊，total19蚊，用既時間都係1個鐘之內，實際又經濟...

到左黃金，我打比阿米，阿米同宇明都未到，佢就叫我打比山根，我行到去老麥，打比山根，原來佢已經同一大堆女仔已經坐埋一齊已經有一段時間，阿米本來係約3點，唉!其實係太早啦!有d朋友係返工，好似我咁，我都唔可以如期3點到啦!呢個問題真係值得考慮...

今次黃金的約會，有阿米、宇明、我、余周、柯倫、山根、納祈、阿魚、M姐、莫菜、阿嫂cheryl、阿欣、金爺，15個人雖然唔係好多，但係都覺得好夠玩，本來阿米係book左一間食店既bbq，點知當店簡直係服務態度什差，例如經常叫人地快d比錢，唉!食野姐，比錢唔會唔比ga嘛!我覺得好唔掂...之後我地成team人都頂唔順，我地齊齊走，最搞笑係該店既職員係開好左個爐，我地就走左...

我地之後去左一間餐廳食野，當然平好多啦!30幾蚊就處理左醫肚既問題，不過對於一個會留意餐廳食物既人，亦即係小弟我對該間野有所評價，我食既係A餐跟飯，即係咕嚕肉飯，我再叫左一杯野飲，係冬T黎既...咕嚕肉太酸，肉用左太多鬆肉粉，冬T用既茶唔靚，冇味，奶就還可以...

高潮所在之點，都係個d問題時間，有好多人都想知我既愛情史，由其係我中一個時個d，到今日原來仲有好多人都係誤會左我係當時係喜歡阿嫂cheryl，我係尋日就解釋返比佢地聽，其實當時我係鍾意阿橙，的確當時既cheryl係一個我覺得既「惡爺」，大小姐性格仲要惡死係首先我最唔鍾意呢類女仔既條件，都係見者都要彈鐘，咁我有咩可能會喜歡當時既cheryl呢?坦白講，當時我覺得阿橙真係一個幾好既女仔，甚至中三既時候，我見到阿橙同某某個時，我都覺得...唉!點解中一個時冇找著一個好機會呢?而家望塵莫及啦!變左吃不到的葡萄是酸的...後期我遇到阿芯，都淡忘左回事!

其次係d男士們問題，都係問我仲係唔係「青頭仔」，又或者有冇利用一d錢去做個d呢?都係個句，未開齋，亦冇用錢去做...其實男士們邊有人唔想去扑野，如果唔要扑既我諗果個應該係虧左，有心冇力個種...仲有M姐問我拍過幾多次拖，我答佢6次，成班人都好羨慕，不過我就覺得咁多次都未可以攞到個feeling好好，除左而家同青蛙一齊之外，當然而家既感覺都係比以前好好多

尋晚我兩點先至返到屋企，唔知點解我覺得夜歸是最好的....我認我係一個不愛歸家既人，最好唔返!最開心都係同阿米傾車經，好開心!^^

尋晚始終有d人係好鍾意搵野黎踩人(都有幾個咁啦!)，都係暗地裡出現d刺針，出現呢d情況我覺得氣氛麻麻!最弊係有d人出到黎冇野講，埋唔到堆...