萬宜水庫，全港最大水庫，儲水量排第二，次於船灣淡水湖，以次我經常以為船灣淡水湖可以環湖行哂可以大半日行得哂，萬宜水庫應都得啦!係呢兩日既露營，完全令我對萬宜水庫改觀左。萬宜水庫唔係大半日行哂唔得，而係需要更多時間，更多既體能，先至完成到成個環湖...
7月25日，時間0700，由屋企起步，行出黎個時經過一d路個時引起左唔少人既注意，始終咁大個背囊，一定會令人好好奇。搭火車個時，先至係最麻煩既時候，因為係一個咁迫既位置，又驚個背囊撞到人。
我同細佬今次係第2次兩個人一齊去玩，露營經驗係4次，可以話係經驗上都夠既。由麥徑起點開始，行入去浪茄，呢3個鐘真係幾難頂，當時氣溫相信都有34度，而且我同阿B都係full gear，我27磅，佢都有23磅，所以真係好辛苦。係入浪茄中途我地係西壩要避暑，呢個係夏天行山既特點，大多數都要入去有cover既地方避避，否則多數都係中暑，再行肯定凶多吉少，呢個知識都係我係外展學返黎，真係外展學個d野，到而家都係咁受用!
咁係西壩冇所事事，又見12點，我地開爐煲野食，如果唔係行山淡季，應該會幾多人，但係尋日係水靜鵝飛，有d荒涼既感覺!
我地食完野個時已經1300，咁又要行啦!中途既路段愈來愈多起伏，辛苦就當然辛苦啦!行左一個鐘，到左東壩，「工」字石係東壩既標記，去浪茄仲有兩公里，無意中見到一team教會人士係到休息緊，咁呢team教會其實見到佢地既裝備都唔係好勁，不過係一般之中，佢地已經係唔錯!
我地其後再行，經過一段唔少既樓梯路，睇住個浪茄灣真係幾爽!到左沙灘，真係好開心，但係要做既野係未做完，我係營長當然係要立即做第一件係開營，而阿B都係做炊事員，佢第一時間都係去水位睇下個水源係唔係正常，浪茄真係好好風，我開營都係有d困難，成日d風都係吹到個營飛起哂，咁好彩阿B好快就返到，咁大家一齊搞掂哂。其後就係set營，係咁大風既情況，當然係加埋營繩會更加好啦!今次係我紮咁多次營以來，我係第一次使用營繩，咁我係外展都有學紮營，不過我就冇學過用營繩，開頭都有少少思考時間，後來都諗到點紮繩，仲諗到點樣掛起d衫，因為d衫行遠山都幾濕。
處理左食水問題，我同阿B就放底工作，大家一齊走左出去沙灘玩，我細佬係一個相機迷，當然要由佢去「開炮」啦!我尋日就做左佢既攝影對像，哈!佢影相真係好有計，手勢唔錯!中途見到一個新手，佢全身都係平野「狼仔」(mountain wolf)，狼仔背囊，狼仔沙漠帽，nikko鞋，件衫貴少少係lafuma，褲係什麥，都算係好!我同佢過下招，吹下水，唔錯!佢就情佈攞得少係個邊問人就真係慘d，萬一冇人佢都幾大煲粥，可能身上冇map一路行一路望，呢d冇人幫情況就真係幾恐怖!
夜晚1800，阿B開始左佢炊事員既工作開飯，我個d都係睇下個環境既變動，即係安全人員啦!係食緊個時，教會個班人終於都黎到，無意發現展浩(我學校既助理)，哈!原來佢係黎呢到帶隊，成隊基督少年軍都係同我細佬差唔多大，不過成team人就比較少爺兵，見到一隻蟻都要驚一餐，唉!回想起自己係外展，對住既係蜈蚣、水蚤、蜘蛛...自己都係一手一腳去挨過左， 未見過世面既就係咁上下...
之後又係入水既時候，我都係同阿誠一齊去入，始終路段好黑，而且附近可能有野豬，單挑始終有危險既存在，都係兩個安全d!咁展浩佢個team人就好出色啦!煎下魚仔，又整下肥牛，唔錯!
食完飯，洗野個陣時，冇啦啦係個營邊有隻蟹!呢d蟹多數都唔會攞黎食ga啦，當然係玩ga啦!開頭隻蟹比放左落個煲，隻野都唔係好知驚，後來我地shake下個煲，隻蟹係個煲狂跳，哈!精彩既地方黎啦!我地犧牲少少煮食燃料，之後就開火，仲要加左兩湯匙既水，隻蟹係30秒個時開始feel到熱，狂跳，仲要跳唔停，真係笑撚死!其後隻蟹四腳朝天，死左~阿B就話啦:屌!咁撚快就死撚左，谷鬼氣!其後將隻蟹擲左出去!
我同細佬之後都係訓左啦!本來打算0230起身，其後覺得體能上未能夠應付，所以都係選擇一覺訓通頂...
一起身就0630，其實個人都仲係好累，基本上叫做未訓醒，我就開始pack好d營!係著鞋個時，我就比細佬早著，不過到我細佬著個時，嘩!~~~有成200幾隻蟻，仲要係「空軍」成隊飛哂入去，阿B一整對鞋，真係想講個屌字!所以話呢，著長boot好過著低筒，咁我就幫阿B係用煙仔薰，d蟻仔就乖乖出哂鞋，全部仆哂街，比我踩死左好多!
pack營，執好哂d野，之後就上山，呢段山路由浪茄上西灣亭，都幾吃力，行左300幾級梯，都咪話唔辛苦，仲要大熱天時搞d咁既野，好攞命!
行到西灣山既亭仔，見到就快到中午時間，當然又要係到hea一陣，都係避暑時間啦!我係果到見到唔少人，有老外、單挑既獨行俠、一team既輕裝...幾個鐘係到等呢，就真係幾悶既，咁我細佬又要影下相，我就累累地，不如訓下教...
1300啦!見太陽冇12點咁攞命都係急急腳閃，途經個段基本上係冇人，諗返起都覺得點解自己會咁勇呢?途中行去吹筒坳，該地方係荒漠地區，極旱!連地下既沙路都係已經旱到裂哂!
西灣西路真係好靜，聽到既係雀仔聲、飛機略過，之後都係自己同細佬既腳步聲。途中一直冇人，水量開始下降，人既汗倒返轉出得多，經歷左兩個幾鐘，我地足之出得返去北潭涌，亦即係我地既起點!到左點ar?齊齊同水講byebye，放哂身上既水減磅...
之後我地搭巴士去到西貢市中心，我地去滿記食糖水，其實我都係第一次去到滿記既樓面食野，哈!我食左哈密瓜西米露，阿B食左個綠豆涼粉，夾埋都係34蚊，要用「零修辭」形容該糖水既好食!
就咁樣，我地就完成左環萬宜水庫之旅，都係用「零修辭」去形容行程既美好之處!不過下次都係唔會咁熱天氣去浪茄，因為實在太熱啦!
|
