近排工作都幾順利，咁我同我既同事夾得幾好，有時我就要帶住d新丁外賣，教一教佢地工作上既事，咁近期黎左呢個「四眼仔二號」，唉!對住呢條友，真係激死多過食飯，自己又做到仆街...原因係呢個「四眼仔二號」做野係攦太極既速度，有時唔知佢做咩，成撚日企係個收銀位，等運到既態度，又唔行埋去水吧個邊做下傳菜既工作，送外賣仲衰，今日比我捉到正係佢送完外賣個時「吞撲」，我一手推佢，即罵!佢比我嚇到彈起，分明係佢自己都知自己衰咩啦!咁呢d真係唔罵唔得，我同阿堯做野做到傻，佢就係廣場行街既樣!

講起個topic「經理與部長」，經理係我，部長係我同事聰姐。呢d當然係虛稱啦!我就因為有一日係得兩個人午時做外賣，我係帶住「四眼仔二號」，咁阿聰就話我聽:「今日外賣你係最大粒ar!」水吧既四眼佬就彈左一句出黎:「咁你今日好威水wo!做經理wo!」我:「聰姐，咁你咪叫部長?」成班友係到笑...

呢排鴻利日日都係生意好到不得了，都唔知發左咩神經?如果真係好生意成咁，希望校長(老闆)可以「加料」啦!^^

小梅係一位做左好耐時間既收銀，我經常性都係好鍾意同呢位同事開玩笑，佢鑊鑊都比我d gag笑到收唔到聲!就好似今日咁，我同佢開既玩笑係熱狗，咁就係送完件貨，個客發覺自己唔係食熱狗但比左熱狗，咁我要負責去收返個熱狗，攞返個吞子出去比個客!咁攞返個狗返黎個時，我比小梅處理，咁我就講:「小梅，食狗狗(唔好咁正音咁講出黎)!食得唔好哂!」小梅就未講先笑:「唔好咁對我啦!我就快比你笑死啦!」

係鴻利做，真係好鬼死好笑...