今日放榜，我一早就起左身，其實分數係幾多，自己都已經心照啦!如果呢到在座咁多位老友又或者識我既人，相信都知我係一個完全唔讀書既人!分數有幾多，應該你地都知啦!

咁起左身，第一時間都係執少少野就出左門，之後去左火車站個邊搭小巴去學校，心情都係冇咩野，反正都唔會有d咩出奇，而且我對零分都已經有哂心理準備...

一入到學校門口，我就上去3樓等出紙，一入到去成班都差唔多齊哂，之後就德貞姐派野，一接紙睇到3分，如我所料，中文2，英文2，西史E，其他3個科目肥哂，包括會計、電腦、數學...我覺得冇咩所謂，反正自己唔鍾意讀書，而且自己鍾意返工多過返學!

jack就比上年跌左兩分，上年佢12，今年得返10，呢d咪教統局害撚死人lor，一味改改改!jack呢d case，換著係我，上年應該讀ive或者去其他地方上中六，返學操會考都係得個吉，浪費時間之餘，又要受咁多折磨，為咩呢?如果佢一早揀左入喇沙，而家已經中七啦!或者佢為左一d目的，應該係人生既「方向」，而繼續係禮記讀...其實禮記又有咩好讀ar?講真對住d咁仆街既教育際度，又對住d咁既學校，校長一味谷成績同哂命，坦白個句，如果我唔係嫌轉校煩，我中三個都有諗過走!

philip(昭偉)呢個case仲慘，2年都13分，咁我覺得學校好心少少，留返一個位比philip，難得有個咁比心機既學生，佢已經推到頂峰，係一個咁既仆街改制下依然都keep得住13分，應該收人啦!況且呢個乖到不得了既學生，有獎攞，有功名，唔收佢係咪笨呢?

ben就得米啦!15分，原校上，佢就真係有咁好耐性，我都服左佢!

李慶陽係我見到咁多個之中，個case最好笑，上年19分既佢，肥中文搞到自己都係要re 中五，呢d真係傻仔之中既傻爆!今日見到佢張紙，中文既總平均係...1...我係個刻真係覺得佢好滑稽，點解佢可以搞到自己咁ga?不過出奇既地方係，有學校職工叫佢入hall，呢d應該都好快比人彈鐘既姐...

尋晚好多謝老婆同我過，佢尋晚去完街街就啦啦聲去我屋企樓下陪我，直接家人call佢走先走!之後仲同我傾左成兩個鐘電話...