今日天氣簡直係令小弟覺得非常難頂，橫風橫雨，又要多單要做，無計啦!公司又無限制幾多錢幾遠既外賣先送，早場得我一個，我都冇哂符!今朝就400幾蚊外賣，午市就差唔多千銀，辛苦在於今日得我同新丁，呢下子辛苦就係佢唔太識去d遠野，咁我就要同佢掃哂d遠野，例如華山、翠麗、天平、劍A...無法子啦!新人始終都係要體諒一下，就下佢啦!

老闆係下午時間就埋左水吧位，咁突然間d件多，見佢個面口同今日既天氣一樣...黑哂!外賣係從個水吧個邊爆哂出黎，咁我有時應付d件個工作速度唔夠快，突然間老闆心情唔好，咁就彈左一句:「你舞完未ar?」咁呢下子，我真係覺得老闆有d無理取罵，明知今日得兩個外賣，仲要得我一個老手，工作進度肯定會慢左，唉!無計啦!出糧比我既係老闆，冇理由同錢銀作對ga!我只係講左一句:「唔好意思，校長!」

呢d野老闆永遠都係覺得自己是對的，作為一個做「靚」既我，我都係吞聲忍氣，算!有老婆錫返咪得lor^^