向來，我學校李惠利d學會活動都係冇咩氣氛，最弊既係冇wargme活動，又冇遠足學會，呢個都幾令人失望!係一個境況迫人既情況下，我覺得我一定要出去李惠利，去其他分校睇下有d咩搞作，結果我個fd家明、阿樂...搵到沙田ive係有wargame會，當然我自己去過青衣sbi，咁我知道個邊有個不野少既wargame學會!

咁尋日經過一個挺令人害怕既marketing考試，又經歷完fung kai 同學枝積木槍既可怕維修，簡直係人間地獄!幸好今日有wargame活動去比我鬆返一口氣!

我今日上marketing堂，唔知點解今日alex 冇返黎，咁又要上堂，打唔到比佢!其實我自己都冇咩心情上，事關今日既課題promotion真係幾令人覺得眼訓!

完左堂，係學校食左個三送既車仔麵，之後就去左聽講座，係山野安全個d!其實d野我都識，因為我係外展畢業，日日都有教呢d理論，況且又做左咁耐行山既工作，都已經好熟能生巧，阿ben係ayp銅章成員，都可以話係一個熟練既人士!

經歷左一個鐘頭多d既時間，其實聽呢個講座，基本上都係為左swpd既加時間!其後我自己開始向沙田ive進發!

我去到沙田ive，見到阿樂同家明，兩個都好落力咁去做promotion，展示自己既槍，show下自己既裝備!當然個回報都唔錯!有60幾人已經加入成為會員...

咁係宣傳其間已經同唔少既目標觀眾打牙交，講下槍經!我地突然就開始玩呢個「模擬wargame」大家一team一齊走，模擬係打wargame既時候，當然引黎唔少觀眾去睇!當中有成員係跌倒，我冇啦啦諗到「拖屍」呢個動作，佢地都覺得我好搞笑...

又試過係院校玩「巡邏」，真係笑到飛起，我地四個係院校就圍行，引黎唔少歡笑!咁我都覺得好安慰，因為難得有咁多人去報名會，而且當中不乏女仔，睇落都好樂觀!

另一個消息係，我間接做左wargame會李惠利既代表，而另一位呢佢就間接做左黃克競個邊既代表，名lok仲話星期五會有青衣sbi既代表，相信會陣容好強，不過呢我去唔到啦!事關我聽日要成4:30先至放學，我過到去都5點，都邊左冇咩好玩!所以聽日唔去，返屋企同fungkai枝槍拼命!

我覺得沙田ive既wargame會主席幾好人，帶左枝不錯既槍，有不錯既態度，而且有不錯既收生，相信不久將來我會係李惠利企出黎搞個會，當然要搵到一班同道中人啦!~