馮佳枝槍今日交收，作為工程總裁，當然對於交收既日子當然係緊張啦!
今朝早見到馮佳已經返左黎既時候，我同佢都係一齊坐，其一係班入面好少人咁早返到黎，講真miss都唔理d人有冇返咁，d人返黎，其實主要都係為左出席率而係到，講真如果唔洗出席率，我諗我一定會唔返，逗左張證書就走左個隻!掛名返學又如何，至少我可以返工嘛!返工就有錢，返工唔洗齋坐，我好怕叫我自己坐幾個鐘呆滯...
好啦!講返正題，今日突別早放學，因為要做既野係中文堂講真係冇人肯做，況且聽日又係假期，交既時間係下星期，邊有人理個老師ga?提早走大家早d去玩玩，老師就可以安安樂樂有得早d休息下，同學又學増加更多時間係假期時間...
咁今日我同成班同學仔去左夏雪食野，夏雪係邊呢，其實就係女人街中間，見到中銀個位既，呢間係一間樓上店!第一次入到去，原來都開業，係準備階段!渡輪佢就對旺角既食店唔係太知，我就梗係知啦!我係做過飯食行業，點會唔知呢?
夏雪，我幾鍾意佢既讚歧烏冬，好好食!
食完野，我同馮佳去左槍街睇野， 咁馮佳係大開眼界啦!坦白講佢係以前真係咩槍都唔識，我變相做埋導遊，教佢睇槍，睇槍真係好happy，我同佢都係好容易講到d共同喜好既話題...
佢想買L96A1、PSG1、M14、98K、M40A1、STEYL AUG、SVD...
講講L96A1，呢枝野輕，枝野細細，幾好用，仲有人體工學原理揸手!
psg1,太大枝，雖然有穩建既骨幹，有容易處理的槍身，因為個槍身好易用，不過咁大枝，攞起手就真幾吃力。
m14，比L96A1更易用，真槍半自動，wargame槍係auto，當然甩鏡打前得，打返後線又得。
德國納粹時期，k98k係一枝單發手拉既步槍，當然原本係由一枝步槍改到狙擊槍，當然二戰槍極之貴，冇本事買。
m40a1我幾睇好， 手拉好好用。m700同一枝槍，短d!
steyl aug，不論狙位，定係炮台，又或者前鋒位，咩位都ok...不過犢牛式，唔係個個人識用!
svd，超級大枝，不受歡迎，因為好少會打中東大熱門武器，坊間好少人打中東!
我帶左阿佳上左黎我屋企，咁佢睇左個report，當然都好滿意啦!佢睇到枝槍，當然係好開心啦! 而且我同細佬都解釋左好多係枝槍既問題，我都估唔到枝槍係會令我細佬講左咁多心底話，坦白講佢枝槍禾桿蓋珍珠，外層殘到不堪，原來內層係鋼齒，佢仲要以2手價700蚊放比佢，大佬呀!比著我都仆住要ar!個身爛，唔緊要，自己再買一套槍外層...諗起都有d妒嫉!
試完一輪槍，我教佢一d持槍既動作，當然佢都學得幾快，咁開頭真係揸得好差啦!最基本連影相都唔識搓，咁點都係ga啦!點都係想留住最好個面比人睇，我教左佢同我細佬一d動作姿勢，例如:靜態站立、站立式射擊、蹲射、趴射、趴爬...呢d基本功真係要學好!
咁大家玩完一輪呢d咁既動作， 佢都學到野既，至少手位都好d!不過呢d要keep住練啦!
|
