今日係第二次招呼ive同學，第一次就係尋日既馮佳，第二次就係今日既渡輪、ford、yan仔，咁今日玩得好開心啦!我地四條友係我自己屋企玩，咁我地玩呢個麻雀、煮下飯仔、仲要玩埋飛行棋同國際象棋，咁就好開心咁係埋一齊玩...我今日直頭食左幾次糊...

講下打麻將，我係唔識打麻雀，我自己就之前打過一次，咁今次我就多得佢地三個一齊教我，咁我而家就識少少啦!當然我都想學得好d啦!事關我好記得以前同fd去camp，我成日都係呆係則邊，現今我就識玩啦!咁我只需要打得多d，當然就唔好玩錢啦!輸多多都唔夠!

之後我同阿ford去煮下飯仔，唔講唔知，原來yan仔真係唔識煮飯，強項係公仔麵，咁呢d好過我以前d女友，我以前有d女友，真係乜撚都唔識，當然我有d女友煮野食係好勁，個時係真係有口福!好啦!講下煮飯先，我同阿ford都係識煮既，我地事前入屋企之前係買左條多寶魚(仲要游水既)、菜、有薯仔，仲有我自己私伙出既雞翼。

多寶魚真係唔平，但係大家都鍾意食，買左又如何?食得開心咪得lor!咁多寶魚我地用清蒸，薯仔係用炆，雞翼係用豉油汁煮...

好簡單既野食，就咁樣我同阿ford去煮，煮完四條友仔一齊食，真係好鬼開心!當然d野食真係好食啦!下次有機會真係想同阿ford再煮過!

今日我同阿ford同埋yan仔都挑戰過我既棋藝，yan仔原來唔錯，可能有d中國象棋既底子，話哂佢都跟過佢老豆食過少少夜粥，當然佢都係輸比我啦!

飛行棋先至係高潮所在，今日足次體驗到32隻棋既飛行棋，爽ar!大家開頭都係互殺，之後玩玩下就係玩到專打渡輪，嘩!yan仔真係仲叻仔，三條6，返大陸，全數8隻係「百鳥歸巢」，笑撚死我!

渡輪中途要退出，一黎佢要去m記開工，不過佢唔退出仲好笑!佢將會比我地狂打，佢唔輸都唔得!最後大贏家係我!因為我玩得夠狗!

咁我同佢地今日好開心過左呢一日，當然我都好希望有其他類型既活動，例如我想搞行山、wargame、又或者玩得再傻d既....