尋晚，我開左收音機，聽新城啤梨既卡啦o bay，佢就咁岩講起學習時期既課外活動，聽佢講起冇聊既課外活動，原來係集郵，佢就話係小學個時，球隊又要成日練波、田徑又要成日練習跑步，佢就同個老友諗:「個d活動辛苦wo!不如揀d唔洗辛苦既活動」就係咁，佢就咁揀左呢個課外活動，就係集郵啦!原來集郵係好悶，個阿sir就入左黎個課室，坐左係到10幾分鐘，大家你眼望我眼，之後就話啦:「大家可以互相交流心得!」就係咁阿sir就可以安然渡過左呢一堂，堂尾個時阿sir就會話:「郵政處近期出左新版郵票，大家可以一齊去郵局買啦!」

聽完呢段說話我係個一刻真係身同感受，我回想起小學個時長周，有個咩課外閱讀，個活動係成班同學一齊睇下圖書，嘩!真係想死，呢個活動真係去睇書，其一係我個時對個d英文學會、中文學會、數學會會完全不感興趣，講真大家識我既話都知我唔鍾意讀書既，讀書都係為左搏高d既學歷!逗左個學歷都係早閃早著ga啦!我零願返工，都唔想讀書!

小學會時呢，我入過田徑、羽毛球、讀書會，其中田徑係我個時最唔鍾意玩，因為成班人跑，覺得好無聊，個時我更加係肥仔一名，唔好話跑啦!連行我都追唔到人地既!陸運會年年都冇我份去比賽，我係小學個時係坐係個北區運動場坐幾粒鐘，真係悶到想死!

羽毛球會係我最鍾意，因為我由細到大，羽毛球係我玩得最好既球類運動，個時我仲係miss丁教我打，唔講唔知miss丁係打羽毛球都好勁!

好啦!到左中學，我個d傻傻下既，就走左去戲劇學會，我呢d戲劇底子就真係嘛嘛!做黎做去都係做一d幕後，咁其實係幕後真係好無聊，我覺得係同超人sir玩埋一堆好開心!不過呢個學會冇咩挑戰性...

我之後跟左朱太郎同miss chu一齊係去左樂行玩，行山一玩就到畢業...仲做左一年幹事同兩年主席!

上左黎ive既而家，學會好少，沉悶既學會到不得了，AYP唔好搞我啦!我就興趣不大，攀毅會，唉!我係遠足既派別，攀石我真係功力好低!

wargame會冇，只有沙田同青衣先有!我自己就真係要玩就走到去個邊!唉!灰哂!