西裝呢家野我真係從來都未著過， 因為我屋企人個邊就冇咩機會去好多飲宴既時候，就算我老豆都唔係多著西裝，我阿媽更加唔多著啦!

咁我尋日足之的起心肝，買套西裝，事關我黎緊星期三，我要係ive做一做求職面試既測驗，點都係人要衣裝，見工一定要有西裝!

咁我事前打左比家明，因為我知道佢有買西裝既經驗，我打比佢問下大概個價位係幾多，佢就話大概係700幾至800，貴既可以見到成千銀，當然我去買西裝唔係去咩馬斯龍，又或者G2000個D咁貴啦!我唔係生金蛋嘛!都係去旺角荷李活購物中心。

咁一入到去，本來諗住行返個圈， 睇下邊到D款型嘛!不過正係我行行下，有一間野，係兩母女夾手夾腳開既，個間野叫鴻基男士服裝，咁個女仔就問我:「你係咪想買一d西裝係for類似謝師宴又或者見工個d呢?」一講中point，咁我覺得佢既服務態度唔錯，咁咪幫襯呢間lor!

佢開頭比d外套我試，比d單色黑色，我對單色好感不大，事關單色雖然比人感覺穩重一d，但係大家諗下，我咁細粒，仲著單色?咁我咪仲細粒?個時謝師宴我有一件方便式既西裝外套，我入面既恤衫都要直長線條!我想比人感覺唔好咁細粒，高過好過矮嘛!

最後我買到一套野啦，本來到733，好意頭就730!平左dd啦!

咁今次出左黎旺角，我見到redbull同paly station3合辦左一隻formula1既賽車game，有大大架一架redbull拉花formula1棟左出黎，幾靚仔!我影左張相係手機，同攞左張宣傳單張!

之後去左廣華睇手槍，手槍都係睇glock17，唉!不過又唔係錢多，我都係望到就算lu!