我呢排咁少online，其實係我屋企部腦唔知點解成日hang，msn又好多時唔比我上，佢出左個error係8004020，話我防火牆block左，我心諗我有鬼安裝咩?

咁我覺得谷鬼氣，索性鏟機，點知鏟鏟下機佢又cake住左...都唔知點解!我同細佬直頭盡地一煲玩大d，連mother board都起埋出黎，反正我又識裝底板，話哂係讀cit出黎，梗係有返d料子既...不過我同細佬居然傻到裝左另一塊，完來係壞既，搞到要起底裝返塊舊野，激死!

咁起左塊板，我咪同d cooler清塵，嘩!d塵多到一隻滑鼠咁大堆，我洗左好耐!之後整埋個底板，真係實在太得人驚!咁我同我細佬裝返個舊野...之後又裝返個xp，大裝一輪，掂左!

講下其他野先，17號個日我同我d同學去左大尾督bbq，我發覺我個班d人d煮食技巧真係屎波到不得了，叉雞翼叉到翼都飛飛下既，牛扒叉唔到唔識拮，d野既鋪排又錯哂，魚旦同雞翼一齊上，咪搞到魚旦好快熟，翼就熟d唔熟d!抵死既野係玩到跌野，叉丸叉到飛丸...

最抵死既係阿mo，同我玩撞炭，我同佢係到鬥壓，之後我一閃，佢成個扒都食哂炭，gary即指住阿mo黎笑!阿mo深感無奈...

之後踢毽，成班友踢到毽上左樹，阿gary就跳拾，阿mark咁肥又高居然唔跳，佢居然係搖機，隻毽真係跌左出黎，我地成班男仔見到係啞左...之後judy傻傻地係到搖下樹，之後問阿mark點搖，我心諗要我搖都唔得啦!

尋日仲好笑，豆漿枝mp5k死左槍，咁我同阿lok係到研究點整，不過枝槍就比我同lok愈拆愈散，結果我係成枝槍既散件全數要左，我細佬直頭食左個尾托，我要左個夾同個準星，正!可憐既小豆漿400幾蚊就咁樣冇左...