今日我返工，本來要返學既，不過我走左佬!
咁今日一朝早11點我對數，我唔知道點解唔見左20蚊公司數，我心諗:「出事啦!」不過到而家呢一刻都唔知點解公司數點解會唔見!
我之後都幾無奈，咁我都好落力咁送外賣，為既唔係d咩，而係我要搵返個20數，靠tips填!
行樂電器個度有人比錢，我冇錢找比佢， 之後都冇理佢既case，之後全日都唔係好多tips，之後公司又比左4蚊我找返比55k小巴站，不過我理得佢啦!如果唔係唔夠數，我直接吞埋個4蚊袋袋平安!
講真，有時做外賣冇咩業界操守，我試過報大個價，試圖收tips成功過，送野倒潟左D飲品我由個膠袋回留返入去，當然又係過左骨啦!我亦試過公司包多左飲品比客，我同個客串通話明益佢!冇將多左既飲品交返比公司...我亦都試過係工作時間「吞撲蛇王」，去左上水廣場6樓抽煙，因為個時係派傳單上樓!又試過借落大雨，避雨為理由，係旭日個邊休息左一陣，的確個時真係大雨既...更試過係熟人面前，係鴻記等老闆既親戚「舅母」搞豬肉個時係佢鋪頭打牙交!
講真自己唔會覺得有d咩問題，講真20蚊一個鐘既part time job，洗又洗到你盡，做又做到死咁!唔通真係「精忠報國」為人民服務咩?岳飛咪又係死蠢比人害，讀書時期班入面乖到無論個d同學咪又比人點去際旗!
講返正題，我最後係5點幾送一個外賣比其昌，一個係華山村入面既車場，咁個老闆好豪氣，比tips從來唔手軟，一掟7蚊tips，岩岩夠比公司數仲要有tips收，2蚊!
今日呢d係好好彩!
|
