小明有一日係揸緊車既時候，佢就突然間發覺架車死左火，咁佢好快手就打左死火燈將架車由快線去左慢線。

佢就落左車，睇下架車發生咩事，一打開車頭，嘩!黑煙四起，小明咳到七彩，佢就諗:「死啦!我架車搞成咁，一定要call拖車先至得啦!」

拖車到左，拖車佬同小明睇睇架車，拖車佬就話啦:「唔洗整啦!」小明就話:「下?」拖車佬:「你睇下架車，攞黎BBQ都得啦!」講都未講完，小明架車就已經起哂火，小明大驚，但係拖車佬依然都冇咩野，仲話:「拿!都話ga啦!整都唔洗整...與其睇佢比火燒，不如BBQ，你睇下我，連雞亦都準備埋」小明呆左

突然間，消防車經過，見到咁大火，消防員仲唔用滅火筒救熄佢咩?拖車佬就話:「頂你個肺，我珍惜能源係到BBQ，你就係到倒我米?」 消防員:「燒?燒你條毛呀?」小明就回敬個消防員:「車係我既，我係要BBQ呀?關你旦治?」消防員即刻開車走...

拖車佬就話啦:「唉!而家就真係燒手指啦!火冇左，算啦!都係將你架車，拖去擋車房算啦!」小明就話:「唔擋都唔得啦!車就咁冇左啦!」

到左擋車房，擋車場老闆就見到架車燒成咁，就話啦:「你架車燒到變哂型，唔壓都得lor!」小明:「益左你啦!開機壓都節省左!收貴少少得唔得呀?」拖車佬:「你收啦!」老闆:「我梗係收啦!貴就唔得啦!燒到咁爛，又冇件比我賣」小明:「妖!你收啦!3000千」老闆:「我食硬你!」

就咁樣，3000千成交左!