今日係x-zone打wargame，咁我自己、阿b 、阿jack，係一齊都著輕便裝就出左去打game，大家都係著最方便打game既鞋，平時最輕便既wargame裝備，但係衣著上，反而唔係軍服!其實我地咁著係有原因，講真今日天氣又曬又熱!

咁今日係比較突別，打semi fire，我打戶外game咁耐都冇試過打全日semi，室內就試過!個時同阿jack去新蒲崗!不過就室內

今日我自己都估唔到打semi都有唔錯既收鑊!平平凡凡咁打都有10個到，咁可能係自己技術比其他人好d!講真打semi我係比打auto有時係更好!我最鍾意都係CQB，講既係技術，諗既係心理，開槍用準繩!咁我鍾意CQB但係亦都係最多人驚既就係好痛，好多人都覺得CQB好痛wo!係痛!但係當你係真正既戰場上，你可以話痛?唔係!因為那時你可能已經食左彈仲死左tim!邊有機會痛?

我細佬今日第一次攞起人地出借既M249係尾場既AUTO，咁佢就話m249重，其實係體能唔夠姐，講真攞m249其實唔算最重，我攞過m60又攞過m249，感覺梗係兩回事啦!m60重得多!

今日我比較主力係尾場我就影相，我影左好多幾得意既相!

與此同時，我識到一位game友叫做阿偉，大我好多ga啦!咁佢都同個妹幾夾，就兩兄妹一齊打game，講開又講，佢個妹都幾靚!

本來我細佬都想帶埋阿嬌，即係我弟婦一齊打wargame，不過唔知點解個行動又cancel左!不過諗深一層，香港時下既年青一族，又幾多個抵耐得辛苦，又有幾多個唔驚死爛面，仲有邊個唔怕痛?我諗相信係冇邊幾個!仲有既係，而家年青既人，好似我既歲數既人，同我做gym同齡既人真係見少買少，基本上大部分係25-60既年紀!有邊個會真係喜歡鍛鍊?又有邊個會喜歡運動多於打機?

其實我都想搵一個女友係比較運動型少少，講真自己喜歡運動既，始終都要搵返d同道中人啦!至少可以同我係match到行山又或者wargame，又或者喜歡做gym既!不過呢個念頭就諗得多，但係搵既時候真係好困難，因為我覺得香港好少女仔會運動型!我諗行山個時，我平時用一個小時已經可以攻頂，但係換著一個平時唔運動既女友，天黑都未上到!打wargame仲慘，可能未打先投降話槍好重，又或者好辛苦!做gym既可能會好d，女仔總希望自己會瘦d靚d，點知上部機做兩下已經「拋錨」，唉!呢下真係幾令人失望ar!