尋日打完game，其實全身都幾累，但唔知點解，我居然訓唔到!

係張床上面既我，突然回想平日開工送野去髮藝城個個好得意既女仔，講真佢真係幾cute!不過實際既佢唔係咁好，始終佢同既都係係上水既小混混，咁我又點會同佢有機會拉近呢?因為事實就係我同佢係兩個世界既人...

之後又諗到ka!欣，ka!欣每晚都係同我一樣，亦都會面對肚痛既問題，我都唔知點解會肚痛?或者天生腸胃唔好既關係...

忽然間我會覺得好空虛，空虛到會覺得自己係張床上會諗如果身邊有一個人可以陪住自己就好啦!冬天夜晚唔會再怕凍既問題，夏天開左冷氣可以好舒服咁一齊渡過大家既晚上...

最有趣既係，我尋晚預感青蛙會找我，結果係真係中左!今日下午既時間，青蛙放左學返到屋企!佢突然間問我近況點?講真唔係返學就放學，放學就開工，開工就收工，收左又點呢?咪又係去左孖8個度揸下車lor!

咁佢同我講d的私人話題我唔多講啦!不過大家同樣都係單身人士，自從同佢分左手之後，我一直都冇拍拖!我只係知2007年係處於一個大難關，我渡過得好吃力，有時辛苦既時候真係要咬緊牙關，因為我好多野都要處理，甚至到空閒既時候，我就會覺得不如咩都唔理，出去玩下，點玩?冇錢，玩個屁?出街行下，都要有個伴先行得開心d ga?女都冇個，屁行...

之後我足之feel到咩叫累啦!我就諗如果呢一刻，我一蓋眼，我可以解決呢一切困難，你話幾好呢?