講下自己今日搞咩啦!今日都係為住呢個marketing係到拼搏，唉!對呢科真係冇咩好感，講真平時上堂已經好hea，基本上呢科我都唔會話好有心機讀，再加上我自己又係上次大測得個11分，基本上已經冇信心，最大鑊既係，全班大半班都係唔合格呢個係幾驚人既消息!
咁一路溫，一路都係聽下歌咁啦!有時侯聽返一d以前有d女友send比我既歌，我就諗返起佢地以前個d野，唉!回想返以前係真係幾開心既，不過而家得返自己一個，有時諗得自己為左咩當日會同佢分手，又或者當日點解會被人遺下?
我仲好記得當日阿芯遺下我既原因，理由係我太少理會佢;家怡又係遺下我，理由我癟好好理會佢地感受;阿芹係我同佢分手，而斑由係同佢一齊冇feel;阿霞其實我同佢一齊幾開心，只係時機不合;阿熒或者都係自己一時衝動先同佢走埋一齊，但我放下她，理由係當時放唔低青蛙;而青蛙都係我放棄佢，理由係根本唔理人感受同埋係過份幼稚!
其實我係一個有著重個人風格既人，我係一定要有個人原則，例如我欣賞既係哲古華拉多過欣賞我國以故國家主席鄧小平，哲古華拉就一份執著改善左古巴既命運!同樣地我真係會企硬對伴侶既原則，我唔要天真、唔要幼稚、唔要大小姐、 唔要太靜、唔要咁壞、要識煮下野、運動型少少、唔要鄉下婆(返鄉下耕田啦!)、冇坦克、冇航母!
講下其他野先，尋日買煙個時我買左特純萬(即係金色個隻)，唔知點解我開始對薄荷煙興趣不大，反而對純味既煙興趣大d!以前我唔食紅萬，而家我食!以前我食唔到金萬，我食!薄荷煙愈做愈差，愈食愈冇味!以前食就覺得涼，而家食就覺得冇feel，因為講真做得唔好!
有時侯，我會覺得一個食煙實在太悶啦!如果多d人食，或者會好d!有d野大家可以係抽煙既時候慢慢講...
我呢排好開心可以多左同ka!欣係msn傾計，或者佢屋伍人開明左，又或者係我教佢爭取權利，係屋企人面前企硬!只可惜近在眼前既野未必係簡簡單單可以獲得，例如話講真我覺得佢真係幾好，我覺得同佢一齊會幾開心，更有意思係想同佢可以超出朋友既關係啦!不詔我覺得個機會率似乎好細，因為大家唔係住得近，又唔係經常性傾到計，所以我覺得好冇信心!
今日我阿媽係六點幾返左黎，佢見年尾啦!咪買左本通勝囉!咁我無以中睇到自己既生肖，見到話咩桃花緣多，我心諗自己唔係咁受女仔歡迎，除左上水髮藝城個兩隻發花癲姐，不過有時見到孖8d玩車女仔都望下我既，咁都好既，受人理會總好過成個呆子...睇下今年有冇新對象啦!
|
