今個lesson唔係講d咩wargame技巧，而係要小弟講下故事，順便係講下以前係香港wargame既歷史 

個日我係x-zone呢個wargame場，遇到一位師兄，咁岩聽佢講起以前既wargame，其實以前既wargame係好得人驚!

1.  一枝槍可以有8焦耳

2.  打game要用背囊入哂成幾千飛

3.  打到有可能會流哂血，甚至要入醫院處理

我係個一刻聽到，我覺得幾驚!講真而家打game有時打肉，又或者比人爆手，有時都幾痛!

根據香港法例入面，2焦耳或以上，即係犯法!不過呢位師兄係好耐之前，法律中都未對wargame有法律限制，更加係當時香港仲未有wargame場!

咁以家既wargame當然係要求合法火力啦!其一係香港已經對wargame既槍既焦耳制定左法律，而且香港有wargame場啦!咁仲有既係wargame場唔係得個場，係有埋教練!當然佢地都係香港救生協會ga啦!場地亦都有完善設備，至少你矛廁都唔怕比人射又或者比人望到，又或者唔洗通山屙...

咁有一個重點就係想講啦!以前既wargame，有冇而家咁方便呢?答案係冇既!個位師兄就講，以前wargame邊有彈夾呢樣野ga?背囊用個盒入哂成千成萬飛彈，由彈喉幫手入彈!當然都係用電力推動啦!咁手槍呢?腰間用夾夾住枝topgas，咁手槍反而有夾，不過要hold住gas喉，咁入彈照舊啦!槍款式當然冇而家咁多啦!始終當時既技術就冇而家咁先進!

咁好啦!打wargame對住八焦耳，仲戴mask?戴mask黎講對當時係冇用既，因為八焦耳打入一般入體皮膚係叫「鑲珠」，鑲珠意思係指皮膚中彈後，粒彈會係皮肉之間，就好似鑽石介指咁，扣住粒鑽石!如果埋身近射，係有機會穿個身體!咁人眼得一對，冇理由唔戴mask，會瞎的!咁佢地會用一d較粗既鐵絲網，做一個可以抵擋咁高焦耳既槍，有d就用護目鏡，可能係科學實驗室個d!
至於身啦!佢地會著個d好似玩越野電單車個d甲去護身!

其實回想返而家既wargame，我覺得安全左好多，至少你係wargame場上打，你好難會打game打到入醫院!最多都係損左，好似有個蚊泡咁!就算中彈，都唔會鑲珠又或者嚴重到穿過身體!