有大劍就有小刀，槍都有一樣，有長火亦有短火，如果wargame入面兩樣俱備，咁你係wargame就真係裝備俱備啦!

手槍係一樣比較貼身既武器，通常都係打到手槍冇哂彈又唔想入彈，咁你就呢個時候換手槍就最好啦!

手槍係wargame最吸引人既地方，不外乎佢係好易就睇到槍既活動，例如枝槍有活動既滑架、冇彈佢係會滑架後退!

咁手槍現時所見既大多數都係氣動，不外乎入既都係134a或猛將，仲有其他既，但真係好多，未能盡錄!

買手槍，最好就買埋手槍袋，因為手槍多數放係腰間又或者大脾既位置，一黎手槍唔似長火咁有槍吊住，二來就方便自己走動!

氣動手槍比起電動手槍威力大得多，不過亦有弊點，就係天氣，冬天由其容易出現問題，例如天氣好凍，咁氣槍係運用液化轉為氣體，當天氣太凍既時候，手槍有可能會開唔到，因為d氣係凍，gas個blowup唔到，一開槍谷第一槍得，第二槍就可能開唔到。講一個真實例子，我係1月27日既隊game入面，我細佬用手槍m1911，試過打game開左幾槍之後開唔到槍，更有噴gas情況!我自己glock都係有呢個問題，甚至wargame場上，好多師兄都有呢個情況!

總括黎講，冬天玩手槍真係唔係一件簡單既事，當然夏天就好順啦!

其實氣動既槍，仲有狙擊槍!如果氣動槍係咁凍天氣既情況，多數都係會出呢d問題!

有師兄講過就話，如果你擔心佢唔夠暖，一係就唔打，一係就放係自己既「加拉低」暖夾，不過諗深一層，落場打邊有得咁暖ar?

對於氣動槍既狙擊手黎講，咁凍枝槍行唔到，咁真係得物冇所用，攞到去真係得個「托」字!

好啦!今個lesson我都講「氣」講都冇氣啦!下個lesson再見!