我今朝早本來係打算8點鐘起身，但係因為太凍既關係，而且見唔洗開工，又唔係要返學，之後都係訓返落床，一訓就已經10點!

咁我起左身，就著好哂衫去左califonia做gym，咁今日做gym見到有個根肉人，係玩舉重，抽起條bar，我見到佢谷到行哂，面上都掛住好辛苦既表情，我心諗咁谷法會唔會爆血管呢?之後佢操到自己頂唔順，大力擲下條bar!碰到地面當然發生巨響啦!嚇鬼咩?

之後好快做完gym，始終冬天天氣凍，d關節活動始終唔及暖既天氣時好，有d緊同硬，仲有d唔暢順!不過活動下總好過咩都冇做過...

咁我返左上水之後， 去左豐泰食牛什河，又係我最鍾意食既野，當然我最愛落幾滴辣油，之後就大啖食啦!

我之後同gary去左粉嶺火車站，我地等埋阿明，阿明依然都係傻傻地咁，gary仲好笑，對住部psp，因為任務打哂既關係，得機而冇用，咁向來我唔打呢d機既我，多數都係周圍望，又或者係到同gary吹水...

好啦!10多分鐘既車程，我地足之都坐完啦!咁去到綠田園，見到好大架旅遊巴，完來上面成車都係我個班d人，果然不出我所料，我既時間預計得岩岩好!

入到綠田園，其實都係咩都冇咁滯，有山、有水、有樹、有d有機農作物，基本上都係咁!咁黎到原來都係行一大圈綠田園，真係好鬼死悶，係我有史以來覺得戶外活動最沉悶既一次!活動完左之後，我亦悶得大抽一口煙!如果去做一d參觀既活動，下次真係唔好揀綠田園，咁講真只有導遊吹水，悶到我地有我地傾，其實真係好冇意思!

之後我同gary返左上水，去孖8既時候見到果個傻仔，唉!個傻仔都係施展d狗技術，閘車!呢d都叫揸車真係不知所謂!咁我自己就一味玩10人砍!玩到其實我都覺得10人砍有時幾冇趣味性，但無奈既係唔玩又似好浪費!咁咪玩下lor!

gary唔知點解今日唔打機，可能佢覺得d對手好冇挑戰性，又或者覺得d對手好狗，咁就唔打啦!正常ar!呢d對手根本唔係人既，完全冇左車既韻味係入面，為既係勝負，咁又有咩意思?

之後左老麥，gary想試同psp係老麥online上網，嘗試去攞d monster  hunter既data，點知佢部都唔知咩事，上極都上唔到!算啦!放棄吧!

係返屋企既時侯，我經過彩園邨，見到有兩個小朋友岩岩係文具鋪買左枝手拉槍，我回想起以前用手拉槍同朋友玩既時候，大家都係唔知咩叫大鑊，唔戴mask，保護眼鏡又冇，就咁就去左公園打個你死我活!我更加係呢d咁既槍戰打到眼鏡鏡片都裂左!

當然而家回望返自己有哂成set既裝備，有良好既保護，真係唔明點解以前唔怕打壞眼?