今日我係第一次同細佬一齊返工，咁我細佬其實同我一樣，都係以前做過屋企鋪頭，當然大家都係同樣成為左「沒落國度既太子」，我細佬今日係替工，頂我同事阿彪既位，阿彪佢放假其實一個幾聰明既選擇，既唔洗辛苦自己，又可以連放4日既新年假，呢d就正正係"正"甩尾，不過我呢d勤力既員工，而且我係公司都算一個幾受老闆歡心既員工，職位雖少，但係老闆同我好老友，同事都好欣賞我，亦都係會密密希望我返工，始終佢地覺得「請一個經理，好過請其他人」，經理呢個名係我係公司個朵，的確連老闆都係叫我!

咁講下我同細佬點樣係公司過年30，咁我細佬係我要求公司比佢返早更，早更係朝8點至下午4點，呢段時間係橫跨早餐、午餐同埋下午茶時段，其實係最簡單，因為外賣數量少，處理錢銀問題簡單，又少遠野例如工業區同華山一帶!不過我細佬今日就真係表現嘛嘛!例如佢唔夠主動，有野係水吧出左，但係佢都係成碌木咁，似乎佢真係開始對飲食行業既樓面既有點生疏!

我細佬真係「聰明仔」，如果大家對上水有d認識，由鴻利出發去上水名都，距離都唔係少野，佢真係夠膽死，單車都唔用就出左公司門口，我心諗:「你唔係真係同公司賣大力嘛?」咁我之後就同佢踩單車送左呢個件!另一件事就係，我都唔明點解佢會唔見左公司18蚊，講真18蚊，差唔多等於做左一個鐘既野，或者佢係呢個時候仲未明白錢賺返黎，唔係一件容易事!

咁好啦!今日年30晚，我老闆今晚加料就比左我雙工，真係好!本來我諗住公司向來都唔係有太多員工福利，邊有雙工ga?咁我就好出奇地就收到雙工，當然開心啦!

今晚係我有史收黎，係公司做得最辛苦既一日，係7點幾8點突然爆左18個客，呢班客雖然麻煩野唔多，但係問題在於公司有樓上，冇餐笠，邊左就係我同同事欣姐就齊走上走落，就算好似而家呢一刻，累到我都仲覺得隻腳係不斷行緊咁...

我真係覺得工作雖然辛苦，但總好過返學既辛苦，我好怕返學，因為我覺得返學要呆係學校讀書，我好怕齋坐冇野做，講真悶到係到數手指咩?不如出黎做野數銀紙啦!銀紙變做自己既薪金，有得洗、有得用、有得玩、有得食...講得衰d真係叫埋雞都仲得!不過我未咸濕到呢個地步!如果今年ive真係讀得唔好升唔上，或者我提早做全職工作，咁我就真係開心好多!