今日新年第一日，我阿媽就要開工，所以今年佢就冇同我同細佬一齊去，不過講真有時去街真係唔係好想同我阿媽去地方，因為我阿媽有時真好鬼煩!不過佢同我同事欣姐唔同，阿欣係又蠢又冇火，我老母就一d咩唔掂就真係同你理論一下，講真遇到我媽呢類人既客咁就真係仆街，講真麻煩之餘，仲要比人一種感覺就係要求多多!

咁今日我同細佬過左去阿婆個間老人院，咁我自己就好耐冇見阿婆，今日見到阿婆，佢既身體大不如前，老人家係咁，只係希望身體狀況唔好再惡化!另外呢我表姐又有喜，佢係已經見肚啦!來年可能已經又會有多一次表舅夫做!黎緊呢年喜事都幾多，例如我荷蘭既表哥將會係今年打算結婚!都可以話係喜事重重!

我今日同細佬同一班表弟係到玩拉火車，雖然係一個好簡單既娛樂，但係已經令一班表弟開心到不得了!曾幾何時，我都鍾意玩呢d遊戲!不過我呢個人係好耐之前已經失去童真，因為屋企人對我唔好既關係，我只會希望自己愈來愈強，終有一日我可以打倒我既父母，甚至乾脆打死佢地，因為呢d仇恨係積累太多，化唔到我既淚氣!

今日夜晚食飯先至最令我扯火，我細佬問點解d冬姑有陣味，我阿媽就答係南乳味，我細佬就想講多次清楚少少比佢聽係冬姑本身既問題，佢又話南乳?我心諗呢個低能阿媽係咪耳聾定係智障，我細佬已經好好包容，再講多次!唔係南乳，佢又話而家d木槺姑係咁，屌!咪又係冇解過!而我足之頂佢唔順，我就話:「人地問既係冬姑點解有陣味，唔係問冬姑為咩外來因素係咁!」佢就話:「都話木糠姑係咁!」

我之後就扯火啦!講真講極都唔明，真係人蠢冇藥醫!我就起火罵:「屌!講撚極都解唔到比人聽!真係不知所謂!」佢就筷子打我隻手，我心諗你不仁我不義，一手大擲飯碗落飯台，吹呀!我唔打你算偷笑比足面你啦!大姐!之後我都廢鬼事理佢，講真教撚極都明，細佬唔開火已經人至義盡，亦都好慶幸冇咩火既人!

之後我係電腦前自己玩，我媽仲係到話:「生你個仆街仔真係前世唔收!」我就回敬:「生得我出黎既你咪仲仆街過我!」之後佢係我後指住我，佢喊ga!但係唔代表我會心軟，我個人企硬就係咁，冇得改，講真就算打死我，我都要臨死個一刻咬你一下!大不了一鑊熟!我見佢咁指住我仲扯火，一手打走佢隻手，佢想大我ga!但冇奈又唔夠我惡，想打我又打唔到，講真我係個時真係想一拳爆佢頭，咁我就見，新年流流，我唔想搞到見紅打到爆「茄汁」，件事就咁告終!

我真係未撚見過d人真係新年流流比人開年，仲要比一個細自己咁多既人鬧左咁耐都係姣低成咁，講真點出黎搵食呀?

佢返工又話比人係咁換假，佢返到屋企就話:「搞錯ar!set更都唔知佢點set既!」我心諗你比人係咁換假期，即係話你比人踩到上頂都係成嚿飯咁lor!你對我呻有撚用咩?不如比d火出黎，去大返個set更個條友，睇下佢仲當唔當你一嚿飯?妖!成世人善良到不得了，而家咪比人玩到彈起lor!講真呢個時勢，打工係老頂要跟班既做到叭下到，都仲要你做夠360日，香港就係咁!你估仲好似80年代人人天下太平，仲有老闆鬥搵人?食蕉lu!有鬼呀!人工仲有以前咁好景?有條毛...人工少少，做野多多，老闆總覺得你做得唔夠好，又或者覺得你做得唔夠皮!

以前我阿媽返工做廠，個時80年代，打工仔仲可以準時返工，準時收工，放假容易，加班自便同team leader講聲，年尾有雙糧有花紅，而家呢?2008年既今日，打工仔好難會準時收工，因為d老闆總係無良到不得了，放假多幾日就鬼咋咁嘈，又用d唔同類型既借口要你工作，放假放得多又唔得!加班?公司多多都要你加，而且冇say no既機會，有咩推辭?炒lor!年尾雙糧，都唔係冇既，不過有d公司真係狗到就算公司賺到笑，一樣冇double!唉!我阿媽咁樣又話辛苦，又話上頭無良，唉!仲話指意佢離婚後既生活，食蕃薯都唔掂啦!