年初四，往年我仲係屋企hea足全日，又或者趕命咁處理學校既功課!今年我唔再需要處理麻煩既功課，又或者係屋企hea!因為我今日係公司渡過!
Irene今日本來係約左我9點鐘開工，點知自己訓過龍，好彩佢打電話比我，如果唔係我真係12點都唔知識唔識起身!今朝仆命9:30先到公司!唉!其實個人仲想訓ga!不過為左錢，頂硬上啦!
我返到公司，聰姐比左一封利是，Irene又比，四哥又比，我老闆校長又比，公司隔離肥師奶又比，欣姐又比，仲有既係成哥!我係公司入面係最細個個，所以呢利是最多都係我，所以話呢，新年返工都係一個賺外快既好主意!
今日外賣係有史以來我覺得最爽既一次，因為呢外賣最遠都係得天平邨，咩華山、劍A、深港、翠麗，都係冇既!而且所有外賣幾乎係我處理哂!樓面既阿姐都係不費一兵一卒!
相反呢，樓面簡直係非人工作，早餐黎班教會友仔簡直離哂大譜，本來諗住今日安安樂樂做完今日既工作，唉!一朝早爆哂樓上樓下，我就諗，唔好玩我啦!我都係打工姐，咁樣折磨法真係斷氣都似!
9:30開工，21:30收工，，收工落左323犧牲左18蚊打機，點知入到去係勁人黎既，次次都係得第二，真係有d唔服氣!算啦!比賽都係玩得開心就算啦!
咁我返屋企其間，本來諗住打比阿妹，個時已經10:30啦!不過阿妹個電話就唔知點解打唔通，唉!有時都覺得搵個妹都咁困難，真係人生一大悲劇...始終作為佢阿哥既自己，始終都會擔心佢吃係咪吃得飽、穿得暖、訓得好，冇事當然放心啦!正所謂「個人輕鬆，大便暢通」，擔心個下就真係慘d ga!希望阿妹可以多d打比呢個哥，至少都講一句:「你食左飯未ar?」
|
