今日我收工既時候去銀行入錢，入完之後我唔打機就準備返屋企啦!咁我係新發街同符興街交界就見到一隻死左既燕子...

死狀甚為恐怖，身體係被車輾過多次，頭骨嚴重爆裂，翼、身、腳全部都是被車輾過而且是扯碎...羽毛是跟肉都混雜一堆!

相信呢隻燕子係回巢既時候比車撞之後，因為頭係向巢，之後跌左係地下，由於受傷冇法子再飛，又避唔到車輪，活活輾斃。另一個可能性係，天氣太凍，呢排的確十分寒冷，燕子可能不勝寒意，病了!結果飛出易，飛回支持不住，倒左地上慘被車輾斃!

回想起自己也是曾經被車撞到，只是車速不是太快，撞我唔太傷，又撞我唔死，更加唔係大車，我冇捲入車底，真係符碌到不得了!否則我肯定係燕子既下場!

講起交通意外，我見過6車快線入慢線連環撞、自己被車撞、電單車翻車、私家車撞牆、撞死/傷人、貨櫃車反車、運送挖土車拖車跌挖土車、六架單車前撞後一齊炒哂、巴士撞巴士、16座撞16座(紅撞綠)、屋企樓下停車場私家車倒車撞到人地架車仲要令人地車尾撞中欄杆，主要都係呢d仲有d搞笑既，我同細佬去小白鷺玩趴艇仔，玩架艇擱淺左，好彩兩個都識救艇既，推返架艇出深水既地方!仲有d係海既地方交通意外!見過火燒船，船都沉埋!獨木舟頂唔到大浪反左!

呢個世界真係冇奇不有!