今年情人節，我冇送野比人，我亦冇同身邊既另一半過，換來既就係同班同學去左mk88打機，成班傻佬去左打機，換來一場空虛，因為我地都冇咩收鑊!

打機，玩咩輸咩，玩推銀仔，有入就冇出，玩21點有輸冇win!

情人節，或者冇情人真係份外空虛!身邊欠缺左種動力支持自己，身體好似欠缺左一種溫暖，有時覺得自己呆左咁耐，其實做咩事身邊都冇人仲係要自己一個，又或者我唔係一個好受女仔歡迎既人，又或者自己仲想玩多d，因為有女友係身邊有好多野局限左?但冇理由呀!我覺得以前有女友係身邊咪又係咁free!究竟我係到做緊咩?

今日我要好早返學，8:30要係學校上汽車概念，今堂講車既結構，屌!3個鐘只係到講車既結構，例如外層同內部，但仲未講引擎結構，當然車呢d野真係唔難，我覺得今日上堂呢3個鐘我真係覺得係白過，我係上堂其間都訓左一大段時間，原因好簡單，我真係覺得眼訓，反正而家ive d老師唔會再好似中學咁拍你台叫你起身，打機自便，聽過坐定就得，抽煙既校門出面!就係咁簡單!

同時我自己覺得返學既生活真係好煩，我愈來愈冇心機返學，功課雖然冇咩，但我完全冇動力去做，我覺得呢d功課真係好黑人憎，反正中學都好多時delay又或者唔交，算數!講真唔計分又好，記缺點又好，訓話一輪又好，最好d老師有一個理由叫我唔洗返學最好!不過ive學費收左咁多，我咪最多同你上下堂，有時覺得d 阿sir吹水多左d，我就諗不如你cancel呢一堂比大家，cam返錢出黎，講真人工我地學生比人左你條契弟，你就同我地搞棟篤笑，好滑稽咩?

ive今日搞個情人節party，講真情人節冇伴既仲係到同你玩既咩?零願早d返屋企訓下好過啦!講真係學校，你又唔會有女，更加好難會有機比你識到女，係靚既多數出現都已經有仔，唔靚唔通身為男士既我，為打救呢個世界既男士而犧牲自己去要一件豬扒?當然係不可能既事啦!

情人節，男士買花送比女仔，我?我未送過，因為好多時候情人節都係單身，所以未送過花...某程度上我覺得自己真係有點運氣不足...或者有一日，我真係身邊有另一半既時候，我依舊都會擔心自己幾時又會變返做單身。坦白講，自從同青蛙分手後，自己對感情事真係大失信心，有時後唔想面對感情問題，因為我怕再一次被人遺棄，或者自己頂唔順分手...