今日係x-zone既最後一日，其實呢個場真係好，不過都係因為政府收地問題，所以局住要停業!

咁今朝細佬同我都好早起身，之後同derak去左樓下食早餐!之後去到粉嶺，就見GST既隊員，例如傻JACK，阿光，孖寶!今次仲要突別加料我叫旦丁佢落場玩，咁旦丁其實就係今次算係第一次用自己槍實戰，之前同過旦丁一d basic skill，咁我都對有信心既!

我地到左x-zone場，其實今日last day，生意都係唔多，不過有唔少外籍人士，鬼佬其實唔差，因為佢地都有幾多狙擊手同埋重火人士。講下自己個邊先，今日gst就完全冇狙，stephen有gary借個單鼓一個，我本來都有mp5孖鼓一個，不過個鼓就冇電，所以就今日都係冇用到!

其實今日我就有d擔心旦丁，因為講真旦丁枝槍真係殘左d，槍齡大，多損壞!真係唔知佢枝野幾時會完蛋，不過今日都幾好彩，咁枝槍都係安全穩定地渡過今日整個日程!講下我自己啦!今日mp5個運行都幾平穩而且都帶來不少成功戰功，枝glock17今日真係同今日既天氣一樣咁好，一樣都係fit到爆燈，氣壓輸出正常，滑架順暢!

我今日既成績係15個，其中有d都係翻炒左好多次，有d就助攻都唔知係咪打左佢，不過打左幾多隻都已經唔重要，因為最緊要既係將對手打敗!

而今日既glock17已經唔係一般既glock17，今日我好成功殺到我既對壘既gst隊友高手阿豪，情況係咁既!今日係第二次battle，係一間屋入面，有我細佬、旦丁、derak同埋我自己，其實已經係打到得返我地4個，咁係呢個時候已經有4,5個係到，咁我今次真係打到mp5都冇彈，阿豪正係撞入屋之際，我成功拔glock17最阿豪連開6槍，6槍都係心口，佢就向eddy連開幾槍!咁係呢個時侯阿豪同我講:「喂!我地大家死哂走得ga啦!」我就話:「係呀!雙雙陣亡」如果係真實戰爭中，我就係咁向阿豪連轟6槍，佢身穿level2避彈衣，相信已經即時訓底左，雖然入面係有鋼板，但係連續6槍，仲唔穿?仲要好近少於1米，應該會有6槍正穿心!

好開心!glock17已經再唔係善良之槍!另外一次手槍戰，係下午5點幾個時!咁就打cqb場，限制火力係打semi fire，有手槍者都係用手槍，不過有d人有手槍都係用返長火!咁係呢場真係比小朋友激死，佢地真係當真係cs咁企，之後佢地都係好快咁死，當中同阿光叔加埋我細佬一齊對住我開火，咁我最快見到既係阿光，但係呢佢真係太遠，我打佢唔到!第二個見到既eddy，eddy係我細佬，我一見到佢我個刻開槍真係有d猶疑，因為講真都係自己細佬，始終係有d覺得怕打傷佢，但就係呢個時候就諗我而家我用緊既只係氣槍又唔係真槍，最後我細佬向我既方向開槍4發冇槍中，我開左一槍，細佬即時中彈叫死出局!之後我同小朋友大撤退!我最後冇彈既情況之下，教小朋友同阿光拼命，當然我最後係輸比阿光啦!不過佢枝底中，打左我兩槍右腳大脾，打到我痛到跳舞!

而隊員方面，jack今日殺左20幾個，佢呢d真係殺到唔停手，跳埋落水都冇問題!

至於孖寶今日好扯火，原因係因為某對手有唔認火，死人照打，又有唔認數事件，搞到兩個經常針性咁打，我就諗:「唉!為呢d咁既廢物嘈，有咩意義呢?」如果身處大棠野戰中心仲要咁岩良哥做「球證」，佢將會係咁對該玩家狂開槍，因為對呢d人唔應該咁客氣，最好令到佢成面子彈印!換著係我係隊員，見到隊友太狗，team kill照去!(該對手係超級黑人憎，可能真係打街場，學埋d旁門左道)

講真今日我對旦丁既評價係，個人主動好左，不過係太大意，例如露槍、露頭、比太多身位人打、欠策略!不過都好過第一次同佢做training，第一次個時佢就真好驚青!總算係一個進步啦!