今日我返工，本來公司緊急地叫我朝早9點開工，但我心諗朝早?我返完成個星期學，又返工，個人已經係幾累，不如遲少少至返啦!咁好彩公司又比wo!

返到公司，早餐外賣冇咩問題好輕鬆，但係午市至下午茶時間就簡直唔係人做，我今日居然做左成2400幾蚊外賣數， 我係公司咁耐都未試過外賣數袋係開始負荷唔到d錢，不過我係冇將d錢去唱返大紙，所以呢今日自己要攞住個數袋周圍走左成日，係好重，仲要好驚跌錢!

當然我自己經驗上可以避免到跌錢既問題，我自己都覺得比以前更加穩定!

另外呢，我今日咁大個人，足之有9000蚊既私己錢，雖然唔多，但係我足之都做到，呢個金額係我銀行戶口之中最多錢既時候，我最少錢既時候係試過得返700蚊，係個時真係好驚隨時唔夠用，當然我自己就後期好努力工作，繼而有咁多錢!不過我細佬就到今日都係對開支冇咩節制，錢都係有出冇入!

呢排我自己都係個句啦!有學就返，有工就開，有wargame就玩，有機就打...反而少左一樣野就係去做gym，不過califonia個邊我覺得對我自己個人黎幫助唔大，其一係我覺得現時既體能係好好，其次就係califonia太貴，雖然有一流既設備，但係教練就真係嘛嘛!有時練d野冇咩針對性，都唔知做咩既，最慘都係比calam教練個時操，明知我腳痛已經開工做腳仔軟，仲叫我去爆腳，我仲好記得搞到我痛足3日!其實我會席就快到期，咁最後玩埋就打算cut左佢，最主要係我學左個d skill，咁基本上我就咁去ive既健身房係到自己爆都係冇問題，如果我考左康文署個d健身金卡，我可以好近咁樣去做gym而唔洗去屯門，因為上水有龍琛路體育館，有健身房!只係需要比少少既錢，就可以有呢個福利!

不過我亦都可以做個d係天然既訓練，唔靠機器，靠自己既訓練!