今日我開工，簡直係累到唔想活動，不過做緊野，又點可以有咁多怨言?咪又係頂硬上!

我累既原因其實好簡單，尋日我係出去買wargame野之前，我去左califonia玩完一輪，當然我自己尋日操得都幾金，所以呢我真係 今日累到七彩仲係返工，有時真係搵命搏!

今日開工其間，sky突然打比我，佢問我買狙好定係買散彈好?我就好簡單諗到幾樣因素，散彈有分兩隻，一隻就係入8mm BB彈，就一槍打三發，另一隻係入穀既，原廠marui既彈殼就一槍30飛，而子母公司之下子公司maruzen，一粒穀就只可以5飛，當然maruzen平得多啦!

shotgun貴，效率低，開一槍成本係幾蚊至10幾蚊， 而且用彈殼亦有機會有jam彈情況，好簡單咁講一枝殼，好似marui既，100蚊3粒，平均一粒穀係33.3蚊，萬一你唔見左粒穀又或者壞左，通常呢d都未必有得整!分分鐘去狙擊手搵波哥救命，我諗佢都抓爛頭...

就算你打8mm個隻運作模式，咁我就覺得呢d係好易壞，我老友豆漿就整壞左啦!

至於狙既，成本相對黎講就應該冇咁貴，當然要睇你買咩鏡啦!你話買枝好靚既蔡司鏡，咁就當然係貴到趴係到啦!因為蔡司鏡冇成萬銀你都買唔到，真槍個d獵槍鏡都可能唔及佢貴!你話雞雞地上網bid既，公價100蚊，呢d仲可以接受既!假設你買tanaka既L96A1 OD(即槍走鏡)，都要3600蚊，當你買枝12倍既，新野600幾蚊，如果為左落得場打既，唔改內件既，盛惠4200蚊...當然係呢個情況d價位都會嚇死人既時候，d人多數買國產，咁就平好多啦!800幾都可能有一枝，當然質素就有好多問題啦!

坦白講，呢兩種槍我個覺得又貴又唔抵玩!粗粗地M4或MP5就算啦!