今日返完啤酒王個堂，唉!dee又玩唔到d咩，不過算啦!佢個堂講車，我都有d興趣既咁上左3個小時既悶野，我自己就覺得真係好浪費時間，講書佢講到你有時都唔係想聽佢講野...

我之後就去左公司返工，咁今日我覺得幾突別 ，因為街上面唔知點解好多差佬，或者同一件事有關，就係上水323機鋪火災，警察可能係因為擔心323呢件事有人再搞事，所以就加多人手巡邏，好基本就有ptu、一般軍裝、便裝、交通警都有...

不過諗起今日d外賣就真係得人驚一次過係短短5個小時係勁爆，我都覺得有d吃力!

諗起今日見到samuel，唉!我覺得佢依然都係咁，傻更更既性格，再搭上令人覺得好篤棟笑既feeling，如果佢仲係初中學生，呢d滑稽野都仲可以接受，不過呢佢都成20歲人啦!仲搞d咁既野就真係比人感覺係幼稚左d!不過佢都好過我個班d人，有d同學係令我唔想同佢地接觸!

有時samuel份人個底子唔係差，衰左份人唔經大腦輸出行為，咪比人感覺終日渾渾呆呆，自己又唔去從呢個角度反思，如果真係絕d，真係叫佢搞返掂先至好同自己講返野!不過我唔會咁既，咁改善改成點呢d話之佢啦!

我覺得男士應該有幾樣野要得，唔識飲酒就要識食煙，兩樣唔曉就要曉打，打唔得，至少都大隻返少少，再唔係就要有把口，正所謂死剩把口嘛!講真咩都唔曉，冇範掂既!點出黎應酬，甚至人地唔敢帶你去d大場面，原因係咩都唔識，成碌木咁，邊到會受歡迎?

我以前連鋤dee都唔曉，而家我係玩到同班入面鋤得唔錯既一齊玩，以前打麻雀唔識，而家至少識係得係咁而組織下d雞糊，以前係運動白痴，小學肥到豬頭咁，而家返而操到有d野睇得下，運動表現不錯!我覺得人就係咁，唔係要咩曬命，而係要比人感覺你唔係一碌木，唔好比機會人地蝦到你上心口，以前我小學時實在太善良，就係咁比人蝦，講真我好唔甘心!