尋日好高興可以去到SKY同學屋企渡過左一個愉快既晚上，咁我尋日係返學，不過放左學之後就係我既世界，我地先去旺角處理SKY最快想去既統工房，佢主要都係買零件改佢個枝瘋狂既手槍，而我都係睇野，咁經過呢個星期，我就學習到好多都係有關手槍既資料，同埋改裝既方法...

之後陪旦丁去左尖嘴買日本劍，D日本劍當然唔係買開左鋒個d啦!但真係好靚!咁去得尖嘴，又點會唔去通利個邊打下機ar?今次打機就反而冇咩對手，好多都係好易win既!當然我對住個s7就即刻唔掂啦!

其後去左搭巴士，咁就去sky屋企，sky係一個比較突別既case，就係佢咁早就可以自己有自己既屋企，講真其實我都好想可以佢咁，講真自己一個人獨立左出黎，當然係開心好多啦!講真好多野都係自己contorl到，至少自己打完wargame個日，玩到成身泥洗衫個一刻唔會比我阿媽咋型!

一去到sky屋企，係有少少亂，不過以佢一個喜歡夜蒲既人，我覺得未搞到狗窩既樣子，已經算係唔錯!不過作為一個有女人係身邊既男人，我覺得就係離譜左少少!當然作為男士既我，我當然希望身邊既女人可以為自己既家居打點一下，煮唔煮飯，其實都係是但啦!煮既我煮又唔係唔得，咁煮到悶既，咪落街食lor!

一眼睇落sky屋企，我就覺得係有d「凍」，因為始終佢屋企既鄰單位係自殺案件單位!而且係3女連環自殺，我感覺到有d沉重既氣流好似係身邊流過，不過都唔好理咁多啦!始終個d「朋友」已經好慘，只好希望佢地早登極樂!

去到sky屋企我地立即放低d槍，d槍真係唔係輕!

之後落左街買一d打邊爐有關既野食，我地就當然買左好多丸之類既野!都唔細袋ga!

咁一路打邊爐，一路鋤dee，sky就係屋企主場發揮極佳，我地打左10幾round，當然一round係輸得愈多，愈要食得多!不過呢我最後都係食唔哂，事關太多啦!再食真係爆肚都似!當然我細佬係最後係輸得最多!

之後我、旦丁、細佬係sky帶領之下，我地真係夜晚上山去嘗試打ii(即非法入境者)，sky更加係冇私貢獻出佢既日本劍，真係非常之多謝佢仲送左比我同細佬!

上山個時，心情當然緊張啦!而且一路聽到d唔尋常，但又覺得係人係草林移動既腳步聲!咁首先第一個分岔地段係高樓梯，呢個我覺得有唔少埋伏，而且我更覺得我地急爬升，上到去可能真係唔夠氣力去對抗，當然我地都係放棄呢個路段啦!

另外呢我亦發現一個幾怪既現象，沿途好多唔同類型既柴枝堆起，咁令我有一個幾大既可疑，山頭嶺生火煮食都係一個重點，但係我亦都覺得有另一個問題就係，如果有火即係有煙，大量人煮食，咁咪好易比人發現?

另外一個重點就係，水源!下午時間我同sky同旦丁上過去，但係覺得小溪水流源源不絕，但夜晚呢奇怪情況又出現，小溪好少水流過，我亦聽到有d唔尋常既聲係小溪傳出，可能係有機會想趁呢個時間捕捉我地!

咁我地首先到左第一個小亭，咁我地略為休息一下!之後再上高少少個時，我地又發現唔尋常既情況，深山中有唔少狗隻係吠叫，咁呢個消息好簡單，深山照計黎講好少有狗，有人既地方先至係多狗，咁如果深山有人，我地可以推斷，深山有ii，而且數目唔係少!

當然我地4個，又點會夠佢地勁呢?我地都係就咁打下汽水罐就算啦!當然我係個時都係擔心人身安問題，始終我地係唔夠裝備，至少好似我咁有個頭盔都好ar!

打汽水罐之際，我地都係聽到唔少狗吠聲!情況都幾恐怖，因為天色都幾黑，又唔知山上面有幾多人!最後我地收拾行裝之際，我聽到水澗傳黎聲音，感覺好似係佢地越越近!

出返去巴士站既時候，當然鬆一口條啦!