呢排睇住好多野壞!例如好似我屋企既電視機、旦丁既SR-16出現問題、DERAK個fd枝槍mp5k出現問題，最後仲死埋槍!到前日，到我屋企部腦出現狀況，唉!令我多番覺得係灰哂!
先講屋企既電視機，講真我平時多數都係出左街又或者返緊工，一日又有幾多時間投資係電視上，講真睇得最多電視果個相信係我老豆，佢基本上都係睇新聞，又或者睇波同馬仔，而我多數係呢d時間係對住部腦!所以呢電視壞唔壞對我影響不大!
另外，丁爺枝槍出現問題，我都唔知點解，唉!我都唔知佢枝野係咩問題，我細佬就話佢枝野掃撚左，我就反而覺得旦丁佢係買件個刻有問題，因為佢買左個D-boys既波箱身，呢下子就真係出事啦!佢就係因為呢d咁既波箱，相繼出現好多公差既問題，事前枝槍又以700蚊full set買左返黎，一枝槍平成咁?又有咩可能?坦率d講一句，佢買左枝垃圾...
derak個fd枝國狗mp5k，唉!都係個句啦!自己都領教過國狗既廢物，好命比你買到枝好耐都唔死槍，唔好命既就好似我咁，打10槍就已經瓜左老襯!
前日，我屋企部機死左機，唉!呢部咁既死人機，成日都係令我覺得非常頭痛，我都好想有部新機，不過部機整黎都係哂米飯，但唔整又唔得，始終呢部野都係我係屋企最大既娛樂!
講起尋日先至扯火，我細佬呢d人真係有女冇兄弟既，我叫佢幫幫手去抬部機出去整，佢就話等老豆d同事上黎整，我心諗佢個同事上次set到部機個hardisk，set到不知所謂!之後叫佢去整，佢又話去陪女，屌!我整又唔係冇錢整，整機又唔係出佢一分一毫，最多都係體力上既問題，抬個下辛苦少少又有咩所謂?之後我都唔理啦!
返到屋企再嘗試去整，點知部機連入window都入唔撚到，搞左我成個鐘都唔得，只係得到一個結論既就係hardisk真係死左， 我就諗:唉!算係咁上下啦!死咁多鑊機，係而家先死都總黎有返個交代，如果仲係好似以前個部seagate咁呢!玩左半年就釘左，我就真係打柒佢!
今日就打算去新財街既偉雄整機，頂!醒唔起佢逢星期日day off，我之後都係去上水中心既領域整，我唔去輝煌既原因係佢整完唔會幫你set埋其他野，係set埋個xp就算撚數，服務態度就覺得一般，相反呢領域就唔同，佢會即時有圖表比你睇返而家個市價，真係唔係隨口up!呢d先叫做服務態度!
好彩今次整機，有我老豆貼大數500蚊，唔洗我出咁多，咁我之後出尾數，最後640蚊搞掂哂!
|
