今日好無奈咁返到學校，原因都係一個，就係補考!

我心諗一樣野，如果唔係要補考， 我今日都可以返以前中學個邊玩行山活動，唉!活動泡湯了!

係搭笠之際，好耐冇見既steven冇意中係笠到見到，steven狀態比以前冇咁好，明顯地為左溫書而冇做恆常既運動!之後佢又見到我帶左對拐，咁我順便問佢有冇興趣學下d武術，佢就話有!不過都係拳腳搏擊!steven佢考試，都係A-level，佢都就快有得回復自由!我都好耐冇同佢打wargame，又或者去跑步之類!

咁我搭火車出到去九龍塘見到阿毛，大家講起將面對既補考，各藏上唏噓，事關比左100蚊補考，但係自己都係溫得唔好又或者冇心機溫之類既問題，而今日同毛有一個共同共識就係:都係返工好!

入到課室ready考既時候，唉!我對住份卷都係盡人事，坦白講我對IVE d 商科都係毫無好感，講真商業既野，即係簡單d講我對金融界好似股票咁，我都係冇興趣，買賣股票對我黎講唔關我事，一如同我講買賣槍械!

之後我做到咁上下唔做lu!早d做完做d走...叫埋旦丁一齊上去sky屋企，sky尋晚挑戰武館而羸得一把日本刀，咁我都係咁依上去睇睇先啦!

到左sky屋企，今次覺得好d，可能d「朋友」同我地打好基礎關係，我覺得好事呀!至少我去到sky屋企，都係可以有返份親切感!

另外呢，今日我覺得有唔尋常情況，例如話當sky出鞘睇刀時，平時「朋友」都會係門口既風車襯熱鬧，但係今日好靜!或者「朋友」唔太喜歡劍...另外呢，旦丁對刀都有d認識，洗刀時出現受傷!我唔知呢d係巧合定係咩!

今日係ksy屋企睇集結號，我覺得一般!最好笑係sky第一次比我睇到同埋同我一齊係屋企玩劍，向來都係唔係玩劍既佢，突然佢玩劍真係好古怪!

之後我同佢街上後山習武，今次正式黎個雙拐對櫻槍，坦白講:難應付!櫻槍掃地再刺個下真係最難對付，拐就最弱係下盤，sky就攻我下盤，想我盡量刻服呢個困難!當然我套用到旋拐推走佢枝槍，不過之後就比佢強攻，最後係中右腳輸左!

今日我自己同sky對拆個時就整傷左右手，主要都係刺傷，不過唔怕啦!用得拐多自有拐關照!到時就會愈來愈好!