尋日返學今日都係返學，不過放學之後都係有唔同既事，尋日去左sky屋企整屋整槍頭，不過都係好多奇怪既事物!
sky屋企比我感覺向來都係幾亂，尋日我同旦丁義工幫佢處理個武器櫃，諗起佢個武器櫃真係唔掂，好鬼死軟!咁我心諗點樣放得好d武器呢?尋日係同sky處理左個爛櫃，之後又同佢一齊整槍頭，不過就好多問題，例如做個型，點知個槍頭斷開左!呢下都幾令我地失望...
尋日本來去習武，但係太多野做既關係，都係冇練到野!
我尋日都成10點幾先走，我打電話比阿塋，本來佢叫我1300打比佢，不過呢我都冇打到比佢，但我打比佢個時，阿塋又比我知道佢係屯門搞事，我心諗個時同佢一齊都係咁搞到d麻煩野比我搞，我真係好慶幸我好早就同佢分開左!佢d fd係電話話比我聽，話佢撞鬼?!不過我都理撚得佢，講真佢咁搞事法，你唔比人搞比「朋友」搞都活該姐...
我返到屋企，之後同穎傾左一輪，不過感情事我諗都係唔會係佢身上諗，因為我覺得佢個心始終都係佢條仔身上，咁寧願佢同佢條仔開心d，廢事我係中間介入唔係咁好啦!睇黎我仲未係時候有女朋友既日子，唉!之前仲煩左佢咁耐，有d唔好意思...
另外呢今日就係我同細佬飯後就被samuel約左出黎，我覺得samuel依然都係唔經大腦諗野，呢d人就係屌極都唔撚醒!唉!好心佢啦!20歲人啦!都係咁唔化，為左唔洗返工而返學，為左8日假死頂爛挨，我就係覺得呢d係最on 9，我，細佬同埋佢係上水舊墟球場傾計，一路傾一路黎火，點講呢...係覺得佢心智未成熟，真係比面佢就出黎發下勞so，唔比面佢真係見到佢打黎電話都cut佢，不過都好，有佢呢條白癡比我出下火，任屌!
有時侯面對d較單純既fd，有時都會谷氣!但最谷氣都係samuel，此終佢係比我感覺係扮哂型而又型唔起，一句到尾就係on9人一世，比你讀到書又點，呢個時勢讀書開始變得唔大作為，至終都係睇你既技能同埋應變，好話唔好聽!讀書聰明，工作上蠢到加零一，咁咪又係死!而且永遠係比人點到死都唔知咩事!
讀死書，死讀書，書讀死...讀死書指死鋤爛鋤，讀到個人就死咁!死讀書，打死都讀書，其他野冇範掂，即書呆子!書讀死，死讀爛讀，書都比你讀死...講真咁樣邊到係得ga?如果讀書讀得好掂真係work，如果係咁未唔會有人失業啦!
|
