今日黃昏時段，同細佬去左大頭嶺球場習武， 唉!今日對拐有d問題，個handle同枝棍個接合出現鬆開既問題，唉!我都唔知點算?不過問題不大既，大不了去聯發祥再買多對!

咁係練習個陣，我就同細佬雙拐對雙刀，咁向來我地都打得幾激，咁今次練習就發生d小意外，就係呢我同細佬對打個陣，我轉拐個時，有寸勁打爆左細佬個把刀，係刀面木片成條打爆左，我地兩兄弟都係到笑，真係估唔到拐既寸勁係可以咁勁，一點既力，足以將一把木刀打碎...換著打中人體，肯定骨折...

我心諗我應該係好彩，好彩我唔係打中腦細佬個頭，又或者身體部份，因為個下個力都幾大，如果唔係佢肯定左手手腕骨折，到時手尾長!

或者真係要用返日本刀，不過問題就黎啦!把日本刀雖然未開鋒，但係始終都係金屬，有一定既危險性，我都試過因為咁打到右手手指公差d比細佬飛左忽皮，個鑊真係打到好痛，流哂血!

睇黎真係要諗下計，睇下點樣解決呢個問題!