我平時好少睇電視，咁係因為我對電視節目興趣不大，講真三色台做埋d好似好滑稽既野，但我唔識笑，原因係三色台好多野都係搵野黎做，唉!二奶台仲衰，成日都係播埋d韓劇，我唔睇ga!最好都係有線，大把台揀，最鍾意睇蘇詩黃!又或者睇discovery real channel(59台)講車，又或者睇american chopper改harry電單車，再唔係就睇hotrod 大師jimmy shine係到傻改古董!

不過早排電視壞左，搞到日日既娛樂都只係對住部腦，有時真係對住部腦唔知做咩，好彩既阿妹早返黎有得同佢傾下計，又或者同阿穎穎佢傾計，不過傾黎傾去咪又係佢條仔同埋d狂蜂浪蝶既事...有幾何會提及我?唉!呢d叫做「同人唔同命」，大家都係男仔，佢又唔係對穎穎好，成日令穎唔開心，但又咁好命仲係冇比人放棄?

咁放左學就係屋企等電視黎!足之9點幾電視到，解決左屋企好悶既問題，講真我係屋企真係覺得好悶，都唔知係屋企做咩?

有電視睇，但唔代表解決左我內心既問題，一直都係等，一直都冇，自己努力追人，但倒頭來都係得個吉!或者我呢世人都係得個等，或者等到有人上啦!