今日勞動節，咁我今日唔係一個員工，我唔洗返工!我去左習武，咁咪順便「勞其根骨」囉!

我今日好早就到左sky屋企，玩左陣無雙orichi，係到用孫策，都幾好玩!最好笑都係孫策對趙雲，我同sky係PS2入面隻揪隻，真係爽死了!當然我又點會係真正使用拐既時候，用拐用到好似隻老孫咁離譜ga?

咁之後同sky去左一間係美景花園既茶餐廳食野，可能大家都係做飲食行業，我地傾一碟炒飯都可以講成半個鐘，不過我今日真係好後悔食左個楊州炒飯，飯濕、冇鑊氣、蛋唔多、火腿粒冇口感，呢d野呃唔到我同sky，好肯定個師傅係好求其咁煮，我覺得唔合格囉!

之後旦丁好快就到左，咁我地好快就攞齊自己武器，就出左去後山練習，今日有好多意外收鑊!

首先上到山，我同旦丁打第一場，旦丁同我細佬阿B一樣，打得好狠，用左好多盲力打!所以枝拐又好多刀痕!不過意外就係呢到黎啦!正當我用推去擋走旦丁一刀，就係咁我右手就比佢用刺既方式插左一下，當然呢下係幾金!痛就唔係痛，而係好多危機係入面，例如我兩條靜脈係隔離，如果真係對正都幾麻煩!

只後第二場都係對旦丁，佢直揮刀，打中左我右手中指，呢下又搞到我流哂血...

之後我再佢打，我用左手拐打正佢右手手掙，當時瘀左!

之後就對sky既櫻槍，開頭都係咁同佢格，不過對住佢呢d高手，當然係易輸啦!我只係盡人事去打，盡量拖延個戰敗時間!不過就多數比佢刺左下盤，例如打中左大脾、掃小腿。

講真，今日真係學到野，不過玩到傷哂就唔係咁好啦!

大妹、細妹、阿穎、ka!欣...仲有好多fd，今日我玩到咁傷，其實你地唔洗擔心我，我d傷最多都係好淺既割傷，有5道，最長大約係8cm長，唔洗太擔心，我好快會好返!好彩你地是旦一個都唔係我老婆既身分，如果唔係我肯定比你地罵死都似!始終我玩呢d武術既活動都係有危機存在，當然係會有肢體上既受傷，亦會有生命上既危險!但係為左學一項武器技藝，傷幾多唔係最大問題，而係我想學到佢既精粹!為興趣，為實用要學習!